കളമശ്ശേരിയില്‍ നിയന്ത്രണം നഷ്ടപ്പെട്ട സ്കൂട്ടർ കാറില്‍ ഇടിച്ച് യുവതിക്ക് ദാരുണാന്ത്യം
കൊച്ചി : കളമശ്ശേരിയില്‍ നിയന്ത്രണം വിട്ട സ്കൂട്ടർ കാറില്‍ ഇടിച്ചതിനെ തുടർന്നുണ്ടായ അപകടത്തില്‍ യുവതിക്ക് ദാരുണാന്ത്യം.
തൃക്കാക്കര സ്വദേശി ബുഷറ ബീവിയാണ് മരിച്ചത്. അപകടത്തിന് കാരണം അശാസ്ത്രീയമായ റോഡ് നിർമ്മാണമാണെന്ന ആരോപണവുമായി നാട്ടുകാർ രംഗത്തെത്തി. ഇന്ന് ഉച്ചയോട് കൂടിയാണ് അപകടമുണ്ടായത്,
റോഡിന്റെ ഒരു ഭാഗത്ത് ടാറും ഒരു ഭാഗത്ത് ഇന്റർലോക്ക് കട്ടയും പതിച്ചിരിക്കുകയാണ്. ഇതിന് രണ്ടിനും ഇടയില്‍ ഉയരവ്യത്യാസമുണ്ട്. ഇവിടെ തട്ടിയതിനെ തുടർന്ന് സ്കൂട്ടർ നിയന്ത്രണം വിട്ട് മറിയുകയായിരുന്നു. സ്കൂട്ടറില്‍ നിന്നും തെറിച്ചുവീണ യുവതി കാറിനടിയിലാണ് ചെന്നുപെട്ടത്. ആശുപത്രിയിലെത്തിക്കുന്നതിന് മുമ്ബ് തന്നെ ബുഷറ ബീവിയുടെ മരണം സംഭവിച്ചിരുന്നു.
Whatsapp Group 1 | Whatsapp Group 2 |Telegram Group
ഈ സ്ഥലത്ത് ഇതിന് മുമ്ബും വാഹനങ്ങള്‍ അപകടത്തില്‍ പെട്ടിട്ടുണ്ടെന്ന് നാട്ടുകാർ പറയുന്നു. അപകടം സംഭവിച്ച സ്ഥലം ഇറക്കമാണ്. കൂടാതെ വളവുമാണ്. ഇവിടെ ഇന്റർലോക്കും റോഡും തമ്മില്‍ ഉയരവ്യത്യാസമുണ്ട്. ഇരുചക്രവാഹനങ്ങള്‍ ഇവിടെ അപകടത്തില്‍പെടാറുണ്ട്. കളമശ്ശേരി മെഡിക്കല്‍ കോളേജിലാണ് മൃതദേഹമുളളത്.
