കൊച്ചി: നടനും മിമിക്രി കലാകാരനുമായ കലാഭവൻ നവാസിന്റെ മരണത്തില് അസ്വഭാവിക മരണത്തിന് പൊലീസ് കേസെടുത്തു.
ചോറ്റാനിക്കര പൊലീസാണ് കേസെടുത്തത്.
ഇന്നലെ രാത്രി 8.45ഓടെയാണ് ചോറ്റാനിക്കരയിലെ ഹോട്ടല് മുറിയില് ബോധരഹിതനായ നിലയില് നവാസിനെ കണ്ടെത്തുന്നത്.
തുടര്ന്ന് ചോറ്റാനിക്കര ടാറ്റ ആശുപത്രിയിലേക്ക് മാറ്റിയെങ്കിലും മരണം സ്ഥിരീകരിക്കുകയായിരുന്നു. ഹൃദയാഘാതം ആണെന്നാണ് പ്രാഥമിക വിവരം. ‘പ്രകമ്പനം’ എന്ന സിനിമയുടെ ചിത്രീകരണത്തിനായാണ് നവാസ് ചോറ്റാനിക്കരയില് എത്തിയത്.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
Whatsapp Group 1 | Whatsapp Group 2 |Telegram Group
ഇന്ന് രാവിലെ എട്ടരയ്ക്ക് ഇന്ക്വസ്റ്റ് പൂര്ത്തിയാക്കി 10 മണിയോടെ പോസ്റ്റുമോര്ട്ടം നടത്തും. അർദ്ധരാത്രി 12 മണിയോടെയാണ് നവാസിന്റെ മൃതദേഹം മെഡിക്കല് കോളേജില് എത്തിച്ചത്. ഇന്ന് വൈകിട്ട് നാല് മണി മുതല് മുതല് 5.30 വരെ ആലുവ ടൗണ് ജുമാമസ്ജിദില് പൊതുദര്ശനം നടത്തും.
