വാപ്പിച്ചി പോയ വേദന ഞങ്ങളുടെ നെഞ്ചിലെ ഭാരമാണ്; ഉമ്മിച്ചി ജീവിച്ചിരിക്കുന്നത് തന്നെ ഒരുപാട് പേരുടെ പ്രാർത്ഥനയുടെ ഫലമാണ്: കലാഭവൻ നവാസിന്റെ അവസാന സിനിമയിലെ ചിത്രങ്ങൾ പങ്കുവച്ച് മക്കൾ

നാടൻ കലാഭവൻ നവാസിന്റെ അപ്രതീക്ഷിത വിയോഗമുണ്ടായത് അടുത്തിടെയാണ്. നവാസ് അവസാനമായി അഭിനയിച്ച രണ്ടു സിനിമകളെ കുറിച്ച്‌ വൈകാരിക കുറിപ്പുമായി എത്തിയിരിക്കുകയാണ് മക്കള്‍. ടിക്കിടാക്ക, പ്രകമ്പനം എന്നീ സിനിമകളിലെ നവാസിന്റെ വ്യത്യസ്ഥമായ വേഷങ്ങളെ കുറിച്ചാണ് കുട്ടികള്‍ എഴുതിയിരിക്കുന്നത്. നവാസിന്റെ തന്റെ ഫെയ്‌സ്ബുക്ക് പേജിലൂടെയാണ് സിനിമയെ കുറിച്ച്‌ മക്കള്‍ എഴുതിയിരിക്കുന്നത്.

ഫേസ്ബുക്കിന്റെ പൂർണ്ണരൂപം ഇങ്ങനെ :-

പ്രിയരേ,

വാപ്പിച്ചി അവസാനം ചെയ്ത രണ്ട് വർക്ക് ആണ് “TIKITAKA യും” “പ്രകമ്പനവും”.

TIKITAKA യിൽ വാപ്പിച്ചി ആഗ്രഹിച്ചത് പോലെ തന്നെ ആ character intro മുതൽ Climax വരെ ഗംഭീരംമായി വാപ്പിച്ചി ചെയ്ത് വച്ചിട്ടുണ്ട്. TIKITAKA യിൽ ഇടയിൽ ഉള്ള ഒരു Fight sequence ഉം രണ്ട് ഷോട്ടും മാത്രം pending ഉള്ളു.

Fight സാധാരണ ഡ്യൂപ്പിനെ വെച്ചു ചെയ്യാറുള്ളതുകൊണ്ട് സമാധാനം ഉണ്ട്‌!!

“ഈ സിനിമയുടെ ആണ്”, അതുകൊണ്ട് തന്നെ fight sequence ഒത്തിരി ദിവസം എടുക്കും. വാപ്പിച്ചിയുടെ പെർഫോം ചെയ്യാനുള്ള ഭാഗങ്ങൾ എല്ലാം ഭാഗ്യം കൊണ്ട് ഷൂട്ട് കഴിഞ്ഞിരുന്നു, അല്ലായിരുന്നെങ്കിൽ വാപ്പിച്ചിക്ക് അത് വലിയ വിഷമമാകുമായിരുന്നു.

ഈ സിനിമയിലെ വാപ്പിച്ചിയുടെ ക്ലൈമാക്സ് എല്ലാം ഗംഭീരമായി തന്നെ വാപ്പിച്ചി ചെയ്ത് വച്ചിട്ടുണ്ട്…….

പ്രകമ്പനവും different character ആണ്, അത് ഒരു പക്കാ യൂത്തിനു പറ്റിയ ഹൊറർ – കോമഡി മൂവി ആണ്.

“രണ്ട് മൂവിയും രണ്ട് ട്രെൻഡ് ആണ് “.

രണ്ട് സിനിമയും വിജയിക്കും, വാപിച്ചിയുടെ അവസാന സിനിമകൾ ആയത് കൊണ്ട് രണ്ടും വിജയിക്കണം എന്നത് ഞങ്ങളുടെ വലിയ ആഗ്രഹം ആണ്, എല്ലാവരുടെയും സപ്പോർട്ട് ഈ രണ്ട് മൂവിയുടെയും കൂടെ ഉണ്ടാവണം. വാപ്പിച്ചി പോയ വേദന ഞങ്ങളുടെ നെഞ്ചിലെ ഭാരമാണ്.

ഉമ്മിച്ചി ജീവിച്ചിരിക്കുന്നത് തന്നെ ഒരുപാട് പേരുടെ പ്രാർത്ഥനയുടെ ഫലമാണ്.