സ്വന്തം ലേഖകൻ
കണ്ണൂർ: ശബരിമലയിൽ യുവതികൾ ദർശനം നടത്തിയത് കള്ളന്മാർ കക്കാൻ പോകുന്ന പോലെയെന്ന് കെ സുധാകരൻ. പിണറായി ഫാസിസ്റ്റ്, ഇതിന് വലിയ വില കൊടുക്കേണ്ടി വരുമെന്നും ചെയ്തത് ചെറിയ കാര്യമാണെന്ന് പിണറായി കരുതേണ്ടന്നും കെ. സുധാകരൻ പറഞ്ഞു. വനിതാ പ്രവേശനം നടന്നു എന്നു പറയാനാകില്ലെന്ന് പറഞ്ഞ സുധാകരൻ യഥാർത്ഥ രീതിയിൽ അല്ല യുവതികൾ ശബരിമലയിൽ പ്രവേശിച്ചതെന്നും കൂട്ടിച്ചേർത്തു. മുഖ്യമന്ത്രിയുടെ അറിവോടെയാണ് യുവതികൾ ദർശനം നടത്തിയത്. നീചമായ നീക്കമാണ് നടന്നതെന്നും സുധാകരൻ ആരോപിച്ചു. പുറത്ത് വരുന്ന ദൃശ്യങ്ങൾ യഥാർത്ഥമല്ലെന്ന് സംശയമുണ്ടെന്നും സുധാകരൻ വ്യക്തമാക്കി.
