സ്വന്തം ലേഖിക
തിരുവനന്തപുരം: എല്ലാവര്ക്കും ഇന്റര്നെറ്റ് എന്ന ലക്ഷ്യത്തോടെയുള്ള കേരളത്തിന്റെ സ്വപ്ന പദ്ധതിയായ കെ ഫോണ് മുഖ്യമന്ത്രി പിണറായി വിജയൻ സംസ്ഥാനത്തിന് സമര്പ്പിച്ചു.
എല്ലാവര്ക്കും ഇന്റര്നെറ്റ് എന്ന് പറഞ്ഞപ്പോള് സ്വപ്നമായേ എല്ലാവരും കരുതിയുള്ളൂവെന്നും എന്നാലതും യഥാര്ത്ഥ്യമായെന്നും ഉദ്ഘാടനം നിര്വഹിച്ചുകൊണ്ട് മുഖ്യമന്ത്രി പറഞ്ഞു.
Whatsapp Group 1 | Whatsapp Group 2 |Telegram Group
‘എല്ലാവര്ക്കും ഇന്റര്നെറ്റ്’ എന്ന കേരളത്തിന്റെ സ്വപ്നം യാഥാര്ത്ഥ്യമാവുകയാണ്. കേരളത്തിലെ എല്ലാ വീടുകളിലും സര്ക്കാര് ഓഫീസുകളിലും ബ്രോഡ്ബാന്ഡ് ഇന്റര്നെറ്റ് സൗകര്യം ലഭ്യമാക്കുന്ന പദ്ധതിയാണ് കേരള ഫൈബര് ഒപ്റ്റിക് നെറ്റ്വര്ക്ക്, അഥവാ കെ ഫോണ്.
കെ ഫോണിലൂടെ സാമ്പത്തികമായി പിന്നോക്കം നില്ക്കുന്ന സംസ്ഥാനത്തെ 20 ലക്ഷത്തോളം കുടുംബങ്ങള്ക്ക് സൗജന്യമായും മറ്റുള്ളവര്ക്ക് മിതമായ നിരക്കിലും അതിവേഗ ഇന്റര്നെറ്റ് സൗകര്യം ലഭ്യമാക്കുകയാണ്.
