കേരള കോൺഗ്രസ് എം നാട്ടകം മണ്ഡലം കമ്മിറ്റി കെഎം മാണി കാരുണ്യ ദിനാചരണം സംഘടിപ്പിച്ചു; കെ എം മാണി കേരളം കണ്ട കാരുണ്യവാനായ ജനകീയ നേതാവായിരുന്നുവെന്ന് മുൻ കോട്ടയം നഗരസഭ സ്റ്റാൻഡിങ് കമ്മിറ്റി ചെയർമാൻ

കോട്ടയം: കേരളം കണ്ട കാരുണ്യവാനായ ജനകീയ നേതാവായിരുന്നു കെ എം മാണിയെന്ന് മുൻ കോട്ടയം നഗരസഭ ആരോഗ്യ വിഭാഗം സ്റ്റാൻഡിങ് കമ്മിറ്റി ചെയർമാൻ എബി കുന്നേപറമ്പൻ. കേരള കോൺഗ്രസ് എം നാട്ടകം മണ്ഡലം കമ്മിറ്റിയുടെ കെഎം മാണി കാരുണ്യ ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം.

Link

Embed

Copy and paste this HTML code into your webpage to embed.

ജനകീയ ബജറ്റുകളിലൂടെ സാധാരണക്കാരുടെ ബുദ്ധിമുട്ടുകൾ നേരിട്ടറിഞ്ഞ ധനമന്ത്രിയായിരുന്നു മാണി സാറെന്നും അദ്ദേഹം പറഞ്ഞു. കേരള കോൺഗ്രസ് എം ഉന്നതാ അധികാര സമിതി അംഗം വിജി എം തോമസ് യോഗത്തിൽ അധ്യക്ഷത വഹിച്ചു.

പള്ളം ബുക്കാന വൈഎംസിഎയുടെ ആശാകേന്ദ്രത്തിലാണ് കാരുണ്യ ദിനാചരണം നടന്നത്. വൈ ഡബ്യു സി എ പള്ളം പ്രസിഡൻ്റ് ലാലി തോമസ് മുഖ്യപ്രഭാഷണം നടത്തി.
കൗൺസിലർമാരായ ജോസ് പള്ളിക്കുന്നേൽ , ദീപ മോൾ , ജോജി , കിങ്ങ്സ്റ്റൺ രാജ ,കുഞ്ഞുമോൻ പള്ളികുന്നേൽ അനൂപ് മണിമലപ്പറമ്പിൽ,റീന ഇട്ടിച്ചെറിയ എന്നിവർ പ്രസംഗിച്ചു.