video
play-sharp-fill

ജോളിയ്ക്ക് ബ്യൂട്ടിപാർലർ ഇല്ല ; എൻ. ഐ. ടി പരിസരത്ത് ഫ്‌ളാറ്റ് വാടകയെക്കെടുത്തിരുന്നതായി കണ്ടെത്തൽ

ജോളിയ്ക്ക് ബ്യൂട്ടിപാർലർ ഇല്ല ; എൻ. ഐ. ടി പരിസരത്ത് ഫ്‌ളാറ്റ് വാടകയെക്കെടുത്തിരുന്നതായി കണ്ടെത്തൽ

Spread the love

സ്വന്തം ലേഖിക

കോഴിക്കോട്: കൂടത്തായി കൊലപാതക പരമ്പരയിലെ മുഖ്യപ്രതി ജോളിയെ കുറിച്ച് കൂടുതൽ വിവരങ്ങൾ പുറത്തുവരുന്നു . ജോളിക്ക് മുക്കം എൻ.ഐ.ടി പരിസരത്ത് ബ്യൂട്ടി പാർലർ ഇല്ലെന്ന് പോലീസ് അന്വേഷണത്തിൽ കണ്ടെത്തൽ. ജോളി മുക്കത്ത് ബ്യൂട്ടിപാർലർ നടത്തിയിരുന്നതായി ചില വിവരങ്ങൾ ഉണ്ടായിരുന്നു. ഇതിന്റെ അടിസ്ഥാനത്തിൽ നടത്തിയ അന്വേഷണത്തിലാണ് ഈ വിവരങ്ങൾ തെറ്റാണെന്ന് വ്യക്തമായത്.

എൻ.ഐ.ടി ക്യാമ്പസ് പരിസരത്തെ നിത്യ സന്ദർശക ആയിരുന്നു ജോളിയെന്നു സെക്യൂരിറ്റി ജീവനക്കാൻ തേർഡ്് ഐ ന്യൂസിനോട് പറഞ്ഞു. മുക്കം എൻ.ഐ.ടി ക്യാമ്പസിനകത്തെ ബ്യൂട്ടി പാർലറിൽ നിത്യസന്ദർശകയായിരുന്നു ജോളി.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

സമീപത്തെ പല ബ്യൂട്ടിപാർലറുകളിലും ഇവർ കയറി ബന്ധം സ്ഥാപിച്ചു. ചിലയിടത്ത് ബ്യൂട്ടീഷ്യനായും നിന്നു. എൻ.ഐ.ടി അധ്യാപികയാണെന്ന് ബന്ധുക്കളെയും സുഹൃത്തുക്കളെയും വിശ്വസിപ്പിച്ച് വീട്ടിൽ നിന്ന് ടാഗ് തൂക്കി ഇറങ്ങാറുള്ള ജോളി ക്യാമ്പസിനകത്ത് ചുറ്റിയടിച്ച് നടക്കൽ പതിവായിരുന്നെന്ന് സാക്ഷികൾ പറയുന്നു.

ജോളി എൻ.ഐ.ടി ക്യാന്റീനിൽ സ്ഥിരമായി എത്താറുണ്ടെന്ന് ക്യാന്റീൻ ജീവനക്കാരിയായ ബിന്ദുവും പറഞ്ഞു. ടീച്ചർ എന്നായിരുന്നു എല്ലാവരോടും പറഞ്ഞിരുന്നതെന്നാണ് ബിന്ദു പറഞ്ഞത്.

ബ്യൂട്ടിപാലർ ഉടമകളുടെ സംഘടനയുമായി ബന്ധപ്പെട്ടെങ്കിലും ഇങ്ങനെയൊരു ജീവനക്കാരിയെക്കുറിച്ച് അവർക്കും അറിവില്ല. കൊല്ലപ്പെട്ട ടോംതോമസിൽ നിന്ന് പണം വാങ്ങി എൻ.ഐ.ടി പരിസരത്ത് ജോളി ഫ്‌ളാറ്റ് വാടകയ്‌ക്കെടുത്തിരുന്നതായും വിവരമുണ്ട്. ട്യൂഷൻ സെന്ററിനെന്ന പേരിൽ വാങ്ങിയ ഫ്‌ളാറ്റ് കേന്ദ്രീകരിച്ചായിരുന്നോ കൊലപാതകങ്ങളുടെ ഗൂഡാലോചന നടന്നതെന്ന് ക്രൈംബ്രാഞ്ച് സംശയിക്കുന്നുണ്ട്.