അക്ഷരനഗരിയിലേയ്ക്ക് സ്വാഗതം ; കോട്ടയത്തിൻ്റെ 49-ാമത് ജില്ലാ കളക്ടർ ; ജോൺ വി. സാമുവൽ തിങ്കളാഴ്ച (22/07/2024) ചുമതലയേൽക്കും

സ്വന്തം ലേഖകൻ

കോട്ടയം: കോട്ടയത്തിൻ്റെ 49-ാമത് ജില്ലാ കളക്ടറായി ജോൺ വി. സാമുവൽ തിങ്കളാഴ്ച (ജൂലൈ 22) ചുമതലയേൽക്കും. രാവിലെ 10.30 ന് ചുമതലയേൽക്കും.

2015 ഐ.എ.എസ്. ബാച്ചുകാരനാണ്. തിരുവനന്തപുരം സ്വദേശിയാണ്.പിന്നാക്ക വികസന വകുപ്പ് ഡയറക്ടറായി പ്രവർത്തിച്ചു വരികെയാണ് കോട്ടയം ജില്ലാ കളക്ടറായി നിയമിതനായത്.

ആലപ്പുഴ ജില്ലാ കളക്ടർ, ഭൂജല വകുപ്പ് ഡയറക്ടർ, തദ്ദേശ സ്വയംഭരണ വകുപ്പ് ഡപ്യൂട്ടി സെക്രട്ടറി, കണ്ണൂർ ജില്ലാ ഡവലപ്‌മെന്റ് കമ്മിഷണർ, ലീഗൽ മെട്രോളജി കൺട്രോളർ എന്നീ നിലകളിൽ പ്രവർത്തിച്ചിട്ടുണ്ട്.

അഡീഷണൽ ജില്ലാ മജിസ്ട്രേറ്റ് ബീന പി. ആനന്ദിൽ നിന്നാണ് ചുമതലയേൽക്കുക.