നവോദയ സ്കൂളുകളിൽ 2200 അധ്യാപകരുടെ ഒഴിവുകൾ

സ്വന്തം ലേഖകൻ

വിവിധ വിഭാഗങ്ങളിലായുള്ള 2200 അധ്യാപക ഒഴിവുകളിലേക്ക് അപേക്ഷ ക്ഷണിച്ച് നവോദയ വിദ്യാലയ സമിതി. ഓൺലൈനായി അപേക്ഷ സമർപ്പിക്കുന്നതിനുള്ള അവസാന തീയതി ജൂലൈ 22.

പ്രിൻസിപ്പൽ -78, പോസ്റ്റ് ഗ്രാജ്വേറ്റ് ടീച്ചർ – 691, ട്രെയിൻഡ് ഗ്രാജ്വേറ്റ് ടീച്ചർ-819, ട്രെയിൻഡ് ഗ്രാജ്വേറ്റ് ടീച്ചർ (തേഡ് ലാംഗ്വേജ് )-343, മിസലേനിയസ് കാറ്റഗറി ടീച്ചർ-269 എന്നിങ്ങനെയാണ് ഒഴിവുകളുടെ എണ്ണം.

തിരഞ്ഞെടുപ്പ്: കംപ്യൂട്ടർ അധിഷ്ഠിത എഴുത്തുപരീക്ഷ, ഇന്റർവ്യൂ എന്നിവയുടെ അടിസ്ഥാനത്തിൽ.വടക്കു-കിഴക്കൻ സംസ്ഥാനങ്ങളിലായുള്ള 584 ഒഴിവുകളിലേക്കു സ്‌പെഷൽ റിക്രൂട്ട്‌മെന്റാണ് നടത്തുന്നത്. ഇതിന് വ്യത്യസ്ത വിജ്ഞാപനമാണ് പുറപ്പെടുവിച്ചിട്ടുള്ളത്.

വിശദവിവരങ്ങൾക്കും അപേക്ഷ സമർപ്പിക്കുന്നതിനും : https://navodaya.gov.in