ആലപ്പുഴ: ആലപ്പുഴ നീർക്കുന്നം ആസ്ഥാനമായി പ്രവർത്തിക്കുന്ന അന്താരാഷ്ട്ര കായല് കൃഷി ഗവേഷണ പരിശീലന കേന്ദ്രത്തില് (IRTCBSF) ഡയറക്ടർ തസ്തികയിലേക്ക് കൃഷി വികസന കർഷക ക്ഷേമ വകുപ്പ് അപേക്ഷ ക്ഷണിച്ചു.
മൂന്ന് വർഷത്തെ കാലാവധിയിലേക്കാണ് നിയമനം നടക്കുന്നത്.
ബയോളജിക്കല് സയൻസ്, അഗ്രികള്ച്ചറല് സയൻസ്, ആനിമല് സയൻസ്, മറൈൻ സയൻസ്, എർത്ത് സയൻസ്, ബയോടെക്നോളജി അല്ലെങ്കില് സോയില് ആൻഡ് വാട്ടർ എൻജിനീയറിങ് എന്നീ മേഖലകളില് പ്രാവീണ്യമുള്ള മുതിർന്ന ശാസ്ത്രജ്ഞർക്കോ അക്കാദമിക് വിദഗ്ധർക്കോ അപേക്ഷിക്കാം. സയൻസില് പിഎച്ച്ഡി ഉണ്ടാകണം. ഇതിന് പുറമെ ബന്ധപ്പെട്ട വിഷയങ്ങളില് കുറഞ്ഞത് 20 വർഷത്തെ ഗവേഷണ-അധ്യാപന പരിചയവും പിഎച്ച്ഡി സ്കോളർമാർക്ക് മാർഗനിർദേശം നല്കിയുള്ള അനുഭവസമ്പത്തും ഉണ്ടായിരിക്കണം. റിവ്യൂഡ് ജേർണലുകളില് ഗവേഷണ പ്രബന്ധങ്ങള് പ്രസിദ്ധീകരിച്ചവരും അക്കാദമിക്-ഗവേഷണ സ്ഥാപനങ്ങള് നിയന്ത്രിച്ച് പരിചയം നേടിയവരുമായിക്കണം.
Whatsapp Group 1 | Whatsapp Group 2 |Telegram Group
അപേക്ഷകർക്ക് 2026 ജനുവരി 31ന് 65 വയസ്സ് കവിയാൻ പാടില്ല. ഉദ്യോഗാർഥികള്ക്ക് തപാല് വഴിയോ ഇമെയില് വഴിയോ അപേക്ഷകള് സമർപ്പിക്കാം. എക്സിക്യൂട്ടീവ് കമ്മിറ്റിയുടെ ശുപാർശ പ്രകാരം സർക്കാർ നിശ്ചയിക്കുന്ന ആനുകൂല്യങ്ങളും സേവന വ്യവസ്ഥകളുമായിരിക്കും നിയമിക്കപ്പെടുന്ന വ്യക്തിക്ക് ബാധകമാവുക.
ബയോഡേറ്റയും യോഗ്യത തെളിയിക്കുന്ന രേഖകളും സഹിതം ഡയറക്ടർ ഓഫ് അഗ്രികള്ച്ചർ, ഡയറക്ടറേറ്റ് ഓഫ് അഗ്രികള്ച്ചറല് ഡെവലപ്മെന്റ് ആന്റ് ഫാർമർ വെല്ഫയർ ഡിപ്പാർട്ട്മെന്റ്, വികാസ് ഭവൻ, തിരുവനന്തപുരം 695033 എന്ന വിലാസത്തിലാണ് അപേക്ഷ ലഭ്യമാക്കേണ്ടത്. [email protected] എന്ന ഇമെയില് വിലാസത്തിലേക്കും അപേക്ഷ അയക്കാം (CC to [email protected]). അപേക്ഷകള് സ്വീകരിക്കുന്ന അവസാന തീയതി ജനുവരി 31 വൈകിട്ട് 5 മണി വരെയാണ്. കൂടുതല് വിവരങ്ങള്ക്ക് 9383470027 എന്ന നമ്പറില് ഓഫീസ് സമയത്ത് ബന്ധപ്പെടാം.
