ജല്ലിക്കെട്ട് : 32 പേർക്ക് പരുക്ക് നാലു പേരുടെ നില ഗുരുതരം

സ്വന്തം ലേഖകൻ

Link

Embed

Copy and paste this HTML code into your webpage to embed.

മധുര: പൊങ്കലിന്റെ ഭാഗമായി തമിഴ്നാട്ടിലെ മധുരയിൽ നടന്ന ജല്ലിക്കെട്ടിനിടെ 32 പേർക്ക് പരിക്കേറ്റു. നാല് പേരുടെ നില ഗുരുതരമാണ്. മധുരയിലെ ആവണിയാപുരത്താണ് അപകടം ഉണ്ടായത്. പരിക്കേറ്റവരെ മധുര സർക്കാർ ആശുപത്രിയിൽ പ്രവേശിപ്പിച്ചു.

ആവണിയാപുരത്ത് മാട്ടുപ്പൊങ്കൽ മഹോത്സവത്തോടനുബന്ധിച്ചാണ് ജല്ലിക്കെട്ട് മത്സരം നടന്നത്. ഇക്കുറി 700 കാളകളും മത്സരാർത്ഥികളുമാണ് ജെല്ലിക്കെട്ടിൽ പങ്കെടുത്തത്. അതേസമയം തമിഴ്നാട്ടിൽ ജല്ലിക്കെട്ട് നടത്തുന്നത് തടയണമെന്ന് ആവശ്യപ്പെട്ട് തമിഴ്നാട്ടിലെ കർഷകനായ എ. കെ കണ്ണൻ സമർപ്പിച്ച ഹർജി സുപ്രീംകോടതി ഇന്ന് തള്ളിയിരുന്നു. ഹർജിക്കാരനോട് മദ്രാസ് ഹൈക്കോടതിയെ സമീപിക്കാനാണ് സുപ്രീംകോടതി നിർദേശിച്ചത്.