കൊച്ചി : ഓണ്ലെന് ലേല ആപ്പ് ആയ ‘സേവ് ബോക്സ്’ നിക്ഷേപത്തട്ടിപ്പ് കേസുമായി ബന്ധപ്പെട്ട് നടന് ജയസൂര്യയെ ചോദ്യം ചെയ്ത് എൻഫോഴ്സ്മെന്റ് ഡയറക്ടറേറ്റ്.
ഓണ്ലെന് ആപ്പിന്റെ പേരില് തട്ടിപ്പ് നടത്തിയെന്ന പരാതിയില് തൃശ്ശൂര് ഈസ്റ്റ് പൊലീസ് രജിസ്റ്റര് ചെയ്ത കേസിന്റെ തുടര്ച്ചയായാണ് നടപടി.
സേവ് ബോക്സിന്റെ ബ്രാന്ഡ് അംബാസഡറായി ജയസൂര്യക്ക് കരാര് ഉണ്ടായിരുന്നതായി ഇഡിക്ക് വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് ചോദ്യം ചെയ്യല്. കൊച്ചി ഓഫീസില് വെച്ചാണ് ചോദ്യം ചെയ്യല്.
Whatsapp Group 1 | Whatsapp Group 2 |Telegram Group
രാവിലെ പതിനൊന്ന് മണിയോടെയാണ് ജയസൂര്യ ചോദ്യം ചെയ്യലിനായി ഇ ഡി ഓഫീസില് ഹാജരായത്. സേവ് ബോക്സ് നിക്ഷേപത്തട്ടിപ്പ് കേസില് 2023 ജനുവരിയില് സ്ഥാപന ഉടമയും മുഖ്യപ്രതിയുമായ സ്വാതിഖ് റഹീ (സ്വാതി റഹീം)മിനെ അറസ്റ്റ് ചെയ്തിരുന്നു. കിഴക്കേക്കോട്ട സ്വദേശിയുടെ പരാതിയില് തൃശ്ശൂര് ഈസ്റ്റ് പൊലീസാണ് സ്വാതിയെ അറസ്റ്റ് ചെയ്തത്. സേവ് ബോക്സിന്റെ ഫ്രാഞ്ചൈസി നല്കാമെന്ന് പറഞ്ഞ് സ്വാതിഖ് റഹീം ലക്ഷങ്ങള് തട്ടിയെന്നായിരുന്നു പരാതി.
