ലോകരാജ്യങ്ങള്‍ക്കിടയില്‍ എന്നും വിസ്മയവും കൗതുകവും നിറഞ്ഞ രാജ്യമാണ് ജപ്പാന്. പ്രകൃതി ഭംഗികൊണ്ടും സംസ്‌കാരം കൊണ്ടും പുതിയ ടെക്‌നോളജി കൊണ്ടും വിനോദസഞ്ചാരികളെയും, വിദേശികളെയും മാടി വിളിക്കുന്ന രാജ്യം.
ഇതൊക്കെ കൊണ്ടുതന്നെ ജപ്പാൻ നഗരങ്ങള്‍ എല്ലാക്കാലവും ഇന്ത്യക്കാരെ ആകർഷിച്ചിട്ടുണ്ട്. മികച്ച പഠനസൗകര്യങ്ങളും തൊഴിലിടങ്ങളും ഉള്ളതുകൊണ്ട് നിരവധി ഇന്ത്യക്കാർ പഠനത്തിനും ജോലി കണ്ടെത്തുന്നതിനുമായി ജപ്പാനെ തെരഞ്ഞെടുക്കുന്നു. ഇപ്പോഴിതാ ഇന്ത്യക്കാർക്ക് സ്ഥിരതാമസത്തിനുള്ള മികച്ച അവസരവും ജപ്പാൻ ഒരുക്കുകയാണ്. എന്നാൽ, ജപ്പാനിലെ പെർമനന്റ് റെസിഡൻസി (PR) നേടാൻ ചില നിർദ്ദിഷ്ട നിബന്ധനകൾ പാലിക്കേണ്ടതുണ്ട്.
എന്തുകൊണ്ട് ജപ്പാൻ പിആർ?
Whatsapp Group 1 | Whatsapp Group 2 |Telegram Group
- ജീവിതകാലം മുഴുവൻ ജപ്പാനില്‍ താമസിക്കാനുള്ള അവസരമാണ് പിആർ നല്‍കുന്നത്.
- താമസം, തൊഴില്‍ എന്നിവയില്‍ ജാപ്പനീസ് ജനതയുടെ സമാന അവകാശങ്ങളും പിആർ വാഗ്ദാനം ചെയ്യുന്നു.
- വിസ നിയന്ത്രണങ്ങള്‍ ഭയക്കാതെ സ്വതന്ത്രമായി തൊഴില്‍ മാറാനുള്ള അവസരം.
- കുടുംബത്തിന് കൂടുതല്‍ സുരക്ഷിതത്വം.
- എളുപ്പത്തില്‍ ലോണുകള്‍ ലഭ്യമാകുന്നു.
- ഭൂമി വാങ്ങാൻ അവസരം
സ്വന്തമായി ബിസിനസ് ചെയ്യാനും അവസരം. - ഇന്ത്യൻ പൗരത്വം നിലനിർത്തിക്കൊണ്ട് തന്നെ ജപ്പാനില്‍ അനിശ്ചിതമായി താമസിക്കാനും ജോലി ചെയ്യാനും കഴിയും. എന്നാല്‍ വോട്ടവകാശമോ ജാപ്പനീസ് പാസ്‌പോർട്ടോ ലഭിക്കുകയില്ല.
- ജപ്പാൻ ഇരട്ട പൗരത്വം അനുവദിക്കില്ല. അതിനാല്‍ തന്നെ ജപ്പാൻ പൗരത്വം നേടുന്നവർ ഇന്ത്യൻ പൗരത്വം ഉപേക്ഷിക്കേണ്ടിവരും.
- വരുമാനം, താമസ സൗകര്യം എന്നിവ മാനദണ്ഡങ്ങള്‍ക്ക് അനുസൃതമാണെങ്കില്‍ കുടുംബത്തെയും പിആറില്‍ ഉള്‍പ്പെടുത്താൻ സാധിക്കും.
- അതേസമയം, കുറ്റകൃത്യങ്ങള്‍ ചെയ്യുകയോ, നികുതി അടയ്ക്കാതെ വരികയോ, പിആർ കൈവശമുള്ളയാള്‍ ജപ്പാന് പുറത്ത് ദീർഘകാലം താമസിക്കുകയോ ചെയ്യുന്നുവെങ്കില്‍ പിആർ റദ്ദാക്കപ്പെട്ടേക്കാം.
ആർക്കൊക്കെ അപേക്ഷിക്കാം
- തുടർച്ചയായി പത്തുവർഷം ജപ്പാനില്‍ താമസിക്കുന്നവർ
- ജാപ്പനീസ് പൗരനെയോ ജാപ്പനീസ് പിആർ ഉള്ളയാളെയോ വിവാഹം ചെയ്തവർക്ക് വിവാഹം കഴിഞ്ഞ് മൂന്ന് വർഷത്തിനുശേഷവും ജപ്പാനില്‍ ഒരു വർഷത്തെ താമസത്തിനുശേഷമോ അപേക്ഷിക്കാം.
- ജാപ്പനീസ് പൗരന്റെയോ പിആർ ഉള്ളയാളുടെയോ കുട്ടികള്‍ക്ക് ജപ്പാനില്‍ ഒരു വർഷത്തെ താമസത്തിനുശേഷം അപേക്ഷിക്കാം.
- വിവിധ പോയിന്റുകളുടെ അടിസ്ഥാനത്തിലാണ് ജപ്പാൻ പിആറിനായി പരിഗണിക്കുന്നത്. വിദ്യാഭ്യാസം, പ്രൊഫഷണല്‍ കരിയർ, വാർഷിക വരുമാനം തുടങ്ങിയവയാണ് പ്രധാന മാനദണ്ഡങ്ങള്‍. 70 പോയിന്റ് ലഭിക്കുന്നവർക്ക് മൂന്ന് വർഷത്തിനുശേഷം അപേക്ഷിക്കാം. 80 പോയിന്റ് ലഭിക്കുന്നവർക്ക് ഒരുവർഷത്തിനുശേഷവും അപേക്ഷിക്കാം.
- സ്ഥിരവരുമാനത്തിന്റെ സർട്ടിഫിക്കറ്റ് ഹാജരാക്കുന്നവർ
- ക്രിമിനല്‍ റെക്കാഡ് ഇല്ലാത്തവർ
- നികുതി കൃത്യമായി അടയ്ക്കുന്നവർ
ആവശ്യമായ രേഖകൾ
- റെസിഡൻസ് കാർഡിന്റെ കോപ്പി
- പാസ്‌പോർട്ടിന്റെ കോപ്പി
- സിറ്റി/ വാർഡ് ഓഫീസ് നല്‍കുന്ന റെസിഡൻസ് സർട്ടിഫിക്കറ്റ്
- ജപ്പാനിലെയും വിദേശത്തെയും വിദ്യാഭ്യാസം, തൊഴില്‍ എന്നിവ സംബന്ധിച്ച്‌ വിശദമായ ബയോഡേറ്റ
- ഇൻകം ടാക്‌സ് അടക്കമുള്ള നികുതി അടയ്ക്കുന്നത് തെളിയിക്കുന്ന രേഖകള്‍
- ജപ്പാൻ പെൻഷൻ സർവീസ് രേഖകള്‍
- ആരോഗ്യ ഇൻഷുറൻസ് സർട്ടിഫിക്കറ്റ്
- ഇൻഷുറൻസ് തുക ഒടുക്കിയതിന്റെ രേഖകള്‍
- തൊഴില്‍ പദവി, കാലയളവ് എന്നിവ ഉള്‍പ്പെടുന്ന തൊഴില്‍ സർട്ടിഫിക്കറ്റ്
- സാലറി സ്റ്റേറ്റ്‌മെന്റ് (3-6 മാസം)
- ഇൻകം ടാക്‌സ് റിട്ടേണ്‍
- ജാപ്പനീസ് പൗരനെയാണ് വിവാഹം കഴിച്ചതെങ്കില്‍ അതുസംബന്ധിച്ച ഫാമിലി രജിസ്ട്രി
- മാര്യേജ് സർട്ടിഫിക്കറ്റ്
- ജനന സർട്ടിഫിക്കറ്റ്
- ഹൈലി സ്‌കില്‍ഡ് പ്രൊഫഷൻ കാല്‍ക്കുലേഷൻ ഷീറ്റ്
- വിദ്യാഭ്യാസ സർട്ടിഫിക്കറ്റുകള്‍
- പ്രൊഫഷണല്‍ സർട്ടിഫിക്കറ്റുകൾ
പിആർ ലഭിക്കാനുള്ള ടിപ്പുകൾ
- ജോലി സ്ഥിരത: ജോലിയില്‍ അനാവശ്യ ഇടവേളകള്‍ ഒഴിവാക്കുക
- ടാക്‌സ് റിട്ടേണ്‍, ബാങ്ക് സ്റ്റേറ്റ്‌മെന്റുകള്‍, പേ സ്ളിപ്പുകള്‍ തുടങ്ങിയവ കൃത്യമാക്കി വയ്ക്കുക
- നിയമ പ്രശ്‌നങ്ങള്‍ ഒഴിവാക്കുക
- ജാപ്പനീസ് ഭാഷ പഠിക്കുക
- ഔദ്യോഗിക ഇമിഗ്രേഷൻ ബ്യൂറോ അറിയിപ്പുകള്‍ പതിവായി പിന്തുടരുക
ഇന്ത്യൻ അപേക്ഷകർക്കുള്ള ഫീസ്
ആപ്ളിക്കേഷൻ ഫീ: 4,789 രൂപ
റെവന്യൂ സ്റ്റാമ്ബ്: 4,789 രൂപ
റെഡിഡൻസ് കാർഡ് ഇഷ്യൂവൻസ്: 2,993 രൂപ
ഡോക്യുമെന്റ് ട്രാൻസ്ളേഷൻ ആന്റ് നോട്ടറൈസേഷൻ: ഓരോ പേജിനും 2,693 രൂപ
അപേക്ഷ കാലയളവ്
അപേക്ഷ സമർപ്പിച്ചതിന് ശേഷം നടപടിക്രമങ്ങൾ പൂർത്തിയാകാൻ സാധാരണയായി 17 മുതൽ 19 മാസം വരെ സമയം വേണ്ടിവരും.
