ഇടിച്ചിട്ടു; ദേഹത്ത് കാര്‍ കയറ്റിയിറക്കി കൊടും ക്രൂരത; ഐവിന്‍റെ മരണകാരണം തലക്കേറ്റ പരിക്കേറ്റതെന്ന് പോസ്റ്റ്മോര്‍ട്ടം റിപ്പോര്‍ട്ട്

കൊച്ചി: സിഐഎസ്‌എഫ് ഉദ്യോഗസ്ഥർ കാറിടിച്ചു കൊന്ന ഐവിന്‍ എന്ന യുവാവിന്‍റെ മരണ കാരണം തലക്കേറ്റ പരുക്കെന്ന് പോസ്റ്റ്മോര്‍ട്ടം റിപ്പോര്‍ട്ട്.

പ്രഥമികമായി കണ്ടെത്തിയിരിക്കുന്നത് തലക്കേറ്റ പരിക്കും ശരീരത്തില്‍ നിന്ന് രക്തം വാര്‍ന്നു പോയതുമാണ് മരണ കാരണമെന്നാണ് റിപ്പോര്‍ട്ട്. നെടുമ്പാശേരിയില്‍ വാഹനത്തിന് സൈഡ് കൊടുക്കുന്നതിലെ തർക്കത്തിനെ തുടര്‍ന്ന് സിഐഎസ്‌എഫ് ഉദ്യോഗസ്ഥർ ഐവിനെ കാറിടിച്ച്‌ കൊലപ്പെടുത്തുകയായിരുന്നു.

കേസില്‍ സിഐഎസ്‌എഫ് ഉദ്യോഗസ്ഥർക്ക് സസ്പെൻഷൻ നല്‍കിയിട്ടുണ്ട്. സിഐഎസ്‌എഫ് സൗത്ത് സോണ്‍ ഡിഐജി ആണ് നടപടി എടുത്തത്.

സംഭവം മുതിർന്ന സി ഐ എസ് എഫ് ഉദ്യോഗസ്ഥർ അന്വേഷിക്കും. റിപ്പോർട്ടിന്റെ അടിസ്ഥാനത്തില്‍ തുടർനടപടി സ്വീകരിക്കും. പൊലീസ് അന്വേഷണത്തില്‍ പൂർണ്ണമായും സഹകരിക്കുമെന്നും സിഐഎസ്‌എഫ് ഉന്നത ഉദ്യോഗസ്ഥര്‍ അറിയിച്ചു.