ഫോൺ നഷ്ടപ്പെട്ടാലോ മോഷണം പോയാലോ ആശങ്ക വേണ്ട. റീചാർജ് പ്ലാനുകൾക്കൊപ്പം ഹാൻഡ്സെറ്റ് ഇൻഷുറൻസ് കൂടി ലഭ്യമാക്കുന്ന ഇന്ത്യയിലെ തന്നെ ആദ്യത്തെ പദ്ധതിയുമായി വൊഡാഫോൺ ഐഡിയ (Vi).
സാധാരണയായി ഫോണിന് സംഭവിക്കുന്ന തകരാറുകൾക്ക് മാത്രമാണ് ഇൻഷുറൻസ് പരിരക്ഷ ലഭിക്കാറുള്ളത്. എന്നാൽ ഫോൺ മോഷണം പോവുകയോ നഷ്ടപ്പെടുകയോ ചെയ്യുന്ന സാഹചര്യങ്ങളിൽ കൂടി പരിരക്ഷ ഉറപ്പാക്കുന്നു എന്നതാണ് ‘വിയുടെ’ പുതിയ പദ്ധതി. ആൻഡ്രോയിഡ്, ഐഒഎസ് ഉപഭോക്താക്കൾക്ക് ഒരുപോലെ ലഭ്യമാകുന്ന ഈ സേവനം വെറും 61 രൂപ മുതലുള്ള പ്ലാനുകളിൽ ലഭിക്കും.
ഇടത്തരം ഫോണുകൾക്ക് വിപണിയിൽ 20,000 മുതൽ 25,000 രൂപ വരെയാണ് വില വരുന്നത്. സ്ഥിതിവിവരക്കണക്ക് മന്ത്രാലയത്തിന്റെ റിപ്പോർട്ട് പ്രകാരം രാജ്യത്തെ 85.5 ശതമാനം വീടുകളിലും സ്മാർട്ട് ഫോണുകളുണ്ട്. ഈ സാഹചര്യത്തിൽ ഫോൺ നഷ്ടപ്പെടുന്നത് ഉപഭോക്താക്കൾക്ക് വലിയ സാമ്പത്തിക ബാധ്യതയാണ് ഉണ്ടാക്കുന്നത്.
Whatsapp Group 1 | Whatsapp Group 2 |Telegram Group
ദൈനംദിന പ്രീപെയ്ഡ് പാക്കുകൾക്കൊപ്പം ഇൻഷുറൻസ് കൂടി നൽകുന്നതിലൂടെ ഈ പ്രശ്നത്തിന് പരിഹാരം കാണാനാണ് വി ലക്ഷ്യമിടുന്നത്. 25,000 രൂപ വരെയാണ് ഇൻഷുറൻസ് കവറേജ് ലഭിക്കുക.
