അഞ്ച് പതിറ്റാണ്ടിനിടെ നൂറുകണക്കിന് കുരുന്നുകൾ ആദ്യാക്ഷരം കുറിച്ച അങ്കണവാടി ഇനി ഓർമ്മ; ഈരാറ്റുപേട്ട അമ്പഴത്തിനാൽ അംഗനവാടി കെട്ടിടം പൊളിച്ചു നീക്കാൻ നടപടി

ഈ​രാ​റ്റു​പേ​ട്ട: അ​ഞ്ച് പ​തി​റ്റാ​ണ്ടി​നി​ടെ നൂ​റു​ക​ണ​ക്കി​ന് കു​രു​ന്നു​ക​ൾ ആ​ദ്യ​ക്ഷ​രം കു​റി​ച്ച അം​ഗ​ൻ​വാ​ടി ഇ​നി ഓ​ർ​മ​യി​ൽ മാ​ത്രം. ന​ഗ​ര​സ​ഭ​യി​ലെ ത​ന്നെ ആ​ദ്യ​ത്തേ​തെ​ന്ന് പ​റ​യാ​വു​ന്ന അ​മ്പ​ഴ​ത്തി​നാ​ൽ അം​ഗ​ൻ​വാ​ടി​യു​ടെ കെ​ട്ടി​ട​മാ​ണ് പൊ​ളി​ച്ച് നീ​ക്കാ​ൻ ന​ട​പ​ടി​യാ​യ​ത്. 1970ക​ളി​ലാ​ണ് അം​ഗ​ൻ​വാ​ടി പ്ര​വ​ർ​ത്ത​നം ആ​രം​ഭി​ച്ച​ത്.

മ​റ്റ​ക്കൊ​മ്പ​നാ​ൽ പ​ര​തേ​നാ​യ എം. ​അ​ബ്ദു​ൽ​ഖാ​ദ​ർ സം​ഭാ​വ​ന ചെ​യ്ത സ്ഥ​ല​ത്ത് പ​രേ​ത​രാ​യ പാ​റ​നാ​നി എം.​കെ. അ​ബ്ദു​ൽ ക​രീ​മി​ന്‍റെ​യും ഭാ​ര്യ സു​ഹു​റ​യു​ടെ​യും നേ​തൃ​ത്വ​ത്തി​ലാ​ണ് അം​ഗ​ൻ​വാ​ടി സ്ഥാ​പി​ത​മാ​യ​ത്. ആ​ദ്യ ടീ​ച്ച​റാ​യി ഗി​രി​ജാ​ദേ​വി​യും ഹെ​ൽ​പ​റാ​യി ഖ​ദീ​ജ​യു​മാ​ണ് സേ​വ​നം ചെ​യ്ത​ത്. തു​ട​ക്ക​ത്തി​ൽ ടീ​ച്ച​ർ​ക്ക് 750ഉം ​ഹെ​ൽ​പ​ർ​ക്ക് 300 രൂ​പ​യു​മാ​യി​രു​ന്നു വേ​ത​നം. ആ​ദ്യ ബാ​ച്ചി​ൽ അ​മ്പ​തി​ല​ധി​കം കു​ട്ടി​ക​ൾ ഉ​ണ്ടാ​യി​രു​ന്നു.

ഇവിടെ പഠിച്ചവർ നാട്ടിലും വിദേശത്തും ഉന്നത മേഖലകളിൽ ജോലി ചെയ്യുന്നതായി അധ്യാപിക ഗിരിജ പറയുന്നു. അവർ ഇപ്പോഴും ക്ഷേമാന്വേഷണം നടത്താറുണ്ടെന്ന കാര്യം ടീച്ചർ ഓർത്തെടുക്കുന്നു. എം.എൽ.എ ബജറ്റ് ഫണ്ടിൽനിന്ന് 25 ലക്ഷം രൂപ അനുവദിച്ച് ആധുനിക നിലവാരത്തിലാണ് പുതിയ കെട്ടിടം പണിയുന്നത്. നിരന്തര ഇടപെടലിനെ തുടർന്നാണ് പുതിയ കെട്ടിടം യാഥാർഥ്യമാകാൻ പോകുന്നതെന്ന് ഡിവിഷൻ കൗൺസിലർ കൂടിയായ സഹല ഫിർദൗസ് പറഞ്ഞു.