ഈരാറ്റുപേട്ട : പുതിയ ദൗത്യവുമായി ഈരാറ്റുപേട്ട ഗവ. ഹയർ സെക്കന്ററി സ്കൂൾ. സ്കൂളിൽ ഹയർ സെക്കന്ററി വിഭാഗത്തിൽ പുതിയതായി അനുവദിച്ച എൻഎസ്എസ്, സ്കൗട്ട് & ഗൈഡ് യൂണിറ്റുകളുടെ ഉദ്ഘാടനം ഇന്നലെ (വെള്ളി) 2.30 ന് പൂഞ്ഞാർ എംഎൽ. എ. അഡ്വ.സെബാസ്റ്റ്യൻ കുളത്തുങ്കൽ നിർവഹിച്ചു.
പഠനകാലത്ത് എൻഎസ്എസ് വളണ്ടിയറായി പ്രവർത്തിക്കാൻ കഴിഞ്ഞത് തൻ്റെ ജീവിതത്തിലും വ്യക്തിത്വ വികസനത്തിലും ഏറെ സ്വാധീനിച്ചതായും സാമൂഹിക ഐക്യത്തിന് ഈ സംഘടനകൾ ഏറെ അത്യന്താപേക്ഷിതമാണെന്നും അദ്ദേഹം പറഞ്ഞു.
ഈരാറ്റുപേട്ട മുനിസിപ്പാലിറ്റി ചെയർ പേഴ്സൺ സുഹ്റ അബ്ദുൾഖാദർ അധ്യക്ഷത വഹിച്ചു. എൻഎസ് എസ് ക്ലസ്റ്റർ കൺവീനർ സിന്ധു ജി.നായർ, എൻ എസ് എസ് സന്ദേശം നൽകി.
Whatsapp Group 1 | Whatsapp Group 2 |Telegram Group
ഭാരത് സ്കൗട്ട്സ് & ഗൈഡ്സ് കാഞ്ഞിരപ്പള്ളി ജില്ലാ സെക്രട്ടറി അജയൻ പിഎസ് സ്കൗട്ട്സ് & ഗൈഡ്സ് സന്ദേശം നൽകി. എൻഎസ് എസ് പ്രോഗ്രാം ഓഫീസർ സിന്ധു പിജി, സ്കൗട്ട്സ് ഓഫീസർ സൈമൺ വിഎസ് ഗൈഡ്സ് ഓഫീസർ കൃഷ്ണ മണി എൻ, എന്നിവർ പദ്ധതി അവതരണം നടത്തി.
പി റ്റി എ പ്രസിഡന്റ് മുജീബ് മഠത്തിപ്പറമ്പിൽ, പി റ്റി എ വൈസ് പ്രസിഡന്റ് അനസ് പാറയിൽ, ഈരാറ്റുപേട്ട ലോക്കൽ അസോസിയേഷൻ സെക്രട്ടറി സജന സഫറു, പ്രിൻസിപ്പാൾ ഷീജ. എസ്, ഹെഡ്‌മിസ്ട്രസ് സിസി പൈകടയിൽ,സ്റ്റാഫ് സെക്രട്ടറി അഗസ്റ്റിൻ സേവ്യർ എന്നിവർ പ്രസംഗിച്ചു.
