ഐ.പി.എൽ; കൊല്‍ക്കത്ത നൈറ്റ് റൈഡേഴ്‌സിനെ പഞ്ഞിക്കിട്ട് രാജസ്ഥാന് റോയല്‍സ്;യശ്വസി ജയ്സ്വാളിന്റെ മാന്ത്രിക ഇന്നിങ്സിന്റെ പിന്‍ബലത്തില്‍ രാജസ്ഥാന് രാജകീയ ജയം
സ്വന്തം ലേഖകൻ
കൊല്‍ക്കത്ത : ഐപിഎൽ മത്സരത്തില്‍ കൊല്‍ക്കത്ത നൈറ്റ് റൈഡേഴ്‌സിനെ തോൽപിച്ച് രാജസ്ഥാന് റോയല്‍സ്. കൊല്‍ക്കത്തയുടെ 150 റണ്‍സ് വിജയലക്ഷ്യം യശ്വസി ജയ്സ്വാളിന്‍്റെ മാന്ത്രിക ഇന്നിങ്സിന്‍്റെ പിന്‍ബലത്തില്‍ 41 പന്തുകള്‍ ശേഷിക്കെ ഒരു വിക്കറ്റ് മാത്രം നഷ്ടപ്പെടുത്തി രാജസ്ഥാന് മറികടക്കുകയായിരുന്നു.
ഐപിഎല്ലിലെ അതിവേഗ ഫിഫ്റ്റിയുടെ റെക്കോഡിട്ട് കളം നിറഞ്ഞ ജയ്സ്വാള്‍ 47 പന്തില്‍ 98 റണ്‍സുമായി പുറത്താകാതെ നിന്നു. നായകന്‍ സഞ്ജു സാംസണ്‍ 48* റണ്‍സുമായി ജയ്സ്വാളിന് മികച്ച പിന്തുണ നല്‍കി.
Whatsapp Group 1 | Whatsapp Group 2 |Telegram Group
മത്സരത്തിന്‍്റെ ആദ്യ പന്ത് രണ്ട് പന്തുകളും ഗാലറിയിലേക്ക് പറത്തിയാണ് ജയ്സ്വാള്‍ രാജസ്ഥാന്‍്റെ ഇന്നിങ്സിന് തുടക്കമിട്ടത്. നായകന്‍ നിതീഷ് റാണ എറിഞ്ഞ ആദ്യ ഓവറില്‍ 26 റണ്‍സാണ് ജയ്സ്വാള്‍ അടിച്ച്‌ കൂട്ടിയത്. നോണ്‍സ്ട്രൈക്കര്‍ എന്‍ഡില്‍ ജോസ് ബട്‌ലറെ കാഴ്ചക്കാരനാക്കി നിര്‍ത്തി ജയ്സ്വാള്‍ കൊല്‍ക്കത്തന്‍ ബോളര്‍മാരെ അടിച്ച്‌ പറത്തുകയായിരുന്നു.
ഇതിനിടെ രണ്ടാം ഓവറിന്‍്റെ നാലാം പന്തില്‍ ജോസ് ബട്‌ലറെ രാജസ്ഥാന് നഷ്ടമായി. അനാവശ്യ റണ്‍സിനായി ഓടിയ താരത്തെ റസല്‍ റണ്‍ഔട്ട് ആവുകയായിരുന്നു. ബട്‌ലര്‍ സംപൂജ്യനായി പുറത്താകുമ്ബോഴും രാജസ്ഥാന്‍്റെ സ്കോര്‍ 30ല്‍ എത്തിയിരുന്നു. പിന്നാലെ നായകന്‍ സഞ്ജു സാംസണ്‍ കളത്തിലെത്തി.
സഞ്ജു നിലയുറപ്പിച്ച്‌ കളിക്കുമ്ബോഴും ജയ്സ്വാള്‍ അടി തുടര്‍ന്നുകൊണ്ടിരുന്നു. ഇതിനിടെ ജയ്സ്വാള്‍ 13 പന്തില്‍ തന്‍്റെ അര്‍ധ സെഞ്ച്വറി പൂര്‍ത്തിയാക്കി. ഐപിഎല്ലിലെ തന്നെ ഏറ്റവും വേഗമേറിയ ഹാഫ് സെഞ്ച്വറിയായിരുന്നു ഇത്. ഇതിന് പിന്നാലെ ഒന്‍പതാം ഓവറില്‍ തന്നെ ഇരുവരും ചേര്‍ന്ന് ടീം സ്കോര്‍ 100 കടത്തി. പിന്നാലെ സഞ്ജു സാംസണും പതിയെ ഗിയര്‍ മാറ്റി.
തുടര്‍ന്ന് ഇരുവരും ചേര്‍ന്നായി ആക്രമണം. കൊല്‍ക്കത്തന്‍ ബോളര്‍മാരെ മത്സരിച്ച്‌ തല്ലിയ ജയ്സ്വാള്‍- സാംസണ്‍ സഖ്യം 14-ാം ഓവറില്‍ തന്നെ ടീമിനെ വിജയത്തിലേക്ക് എത്തിക്കുകയായിരുന്നു. വിജയത്തോടെ 12 പോയിന്‍്റുമായി രാജസ്ഥാന് റോയല്‍സ് മുംബൈ ഇന്ത്യന്‍സിനെ പിന്‍തള്ളി പോയിന്‍്റ് പട്ടികയില്‍ മൂന്നാം സ്ഥാനത്തേക്കെത്തി.
എറിഞ്ഞ് വീഴ്ത്തി ചാഹല്‍: നേരത്തെ ആദ്യം ബാറ്റ് ചെയ്ത കൊല്‍ക്കത്ത നിശ്ചിത ഓവറില്‍ എട്ട് വിക്കറ്റ് നഷ്ടത്തിലാണ് 149 റണ്‍സ് നേടിയത്. 4 വിക്കറ്റ് വീഴ്ത്തിയ യുസ്‌വേന്ദ്ര ചാഹലാണ് കൊല്‍ക്കത്തന്‍ ബാറ്റിങ് നിരയെ തകര്‍ത്തെറിഞ്ഞത്. വെങ്കിടേഷ് അയ്യരുടെ ഒറ്റയാള്‍ പോരാട്ടത്തിന്‍്റെ മികവിലാണ് കൊല്‍ക്കത്ത പൊരുതാവുന്ന സ്കോറിലേക്ക് എത്തിയത്. 42 പന്തില്‍ 57 റണ്‍സായിരുന്നു താരത്തിന്‍്റെ സമ്ബാദ്യം.
ജേസന്‍ റോയ് (10), റഹ്‌മാനുള്ള ഗുര്‍ബാസ്(18), നിതീഷ് റാണ (22), ആന്ദ്രേ റസ്സല്‍ (10), റിങ്കു സിങ് (16), ശാര്‍ദുല്‍ താക്കൂര്‍ (1), സുനില്‍ നരെയ്ന്‍ (6) എന്നിങ്ങനെയാണ് കൊല്‍ക്കത്തയുടെ മറ്റ് താരങ്ങളുടെ സ്കോര്‍. രാജസ്ഥാനായി ചാഹലിനെ കൂടാതെ ട്രെന്‍്റ് ബോള്‍ട്ട് രണ്ടും, സന്ദീപ് ശര്‍മ, കെ എം ആസിഫ് എന്നിവര്‍ ഓരോ വിക്കറ്റും വീഴ്ത്തി.
