അന്താരാഷ്ട്ര യോഗാ ദിനം; നാഗമ്പടം സ്പോർട്ട്സ് കൗൺസിൽ ഇൻഡോർ സ്റ്റേഡിയത്തിൽ 1000 പേരുടെ മെഗാ യോഗാ പ്രദർശനം നാളെ; മന്ത്രി വി.എൻ. വാസവൻ ഉദ്ഘാടനം നിർവഹിക്കും

കോട്ടയം: അന്താരാഷ്ട്ര യോഗാ ദിനമായ നാളെ നാഗമ്പടം സ്പോർട്ട്സ് കൗൺസിൽ ഇൻഡോർ സ്റ്റേഡിയത്തിൽ 1000 പേരുടെ മെഗാ യോഗാ പ്രദർശനം നടക്കും.

സഹകരണ – ദേവസ്വം തുറമുഖവകുപ്പ് മന്ത്രി വി.എൻ. വാസവൻ യോഗാ പ്രദർശനം ഉദ്ഘാടനം ചെയ്യും. സംസ്ഥാനടിസ്ഥാനത്തിൽ നടത്തിയ യോഗാ ചാമ്പ്യൻഷിപ്പിൽ വിജയികൾക്ക് മെമെന്റോ നൽകും.

ജില്ലാ സ്പോർട്ട്സ് കൗൺസിൽ പ്രസിഡന്റ് ഡോ. ബൈജു വർഗ്ഗീസ് ഗുരുക്കൾ മുഖ്യപ്രഭാഷണം നടത്തും. സാമൂഹ്യ സാംസ്കാരിക നായകന്മാർ ആശംസകളർപ്പിക്കും.

സൂര്യനമസ്കാരം, ആസ‌നങ്ങൾ പ്രാണായമങ്ങൾ എന്നിവ കോർത്തിണക്കി ഒരുമണിക്കൂർ നേരം മെഗാ യോഗം പ്രദർശനം തടക്കും.

ചേതന യോഗാ , യോഗാ അസോസിയേഷൻ ഓഫ് കോട്ടയം , വിവിധ യോഗാ ക്ലബ്ബുകൾ എന്നിവർ നേതൃത്വം നൽകും. സംഘാടക സമിതി ചെയർമാൻ വി വി ലാലു മോൻ അധ്യക്ഷത വഹിക്കും. ജനറൽ കൺവീനർ സി കെ ഹരിഹരൻ സ്വാഗതം ആശംസിക്കും.