പ​തിനൊന്നുകാരന് മ​രു​ന്നു​മാ​റി കു​ത്തി​വെ​പ്പ്​ ന​ൽ​കി​യ​ സം​ഭ​വം: ഡ്യൂ​ട്ടി ന​ഴ്‌​സി​ന്‍റേ​ത് ഗു​രു​ത​ര കൃ​ത്യ​വി​ലോ​പ​മെ​ന്ന്​ ആ​രോ​ഗ്യ​വ​കു​പ്പ്​ ഡ​യ​റ​ക്ട​റു​ടെ റി​പ്പോ​ർ​ട്ട്

തി​രു​വ​ന​ന്ത​പു​രം: തൈ​ക്കാ​ട് സ്ത്രീ​ക​ളു​ടെ​യും കു​ട്ടി​ക​ളു​ടെ​യും ആ​ശു​പ​ത്രി​യി​ൽ പ​നി​ക്ക് ചി​കി​ത്സ തേ​ടി​യെ​ത്തി​യ പ​തിനൊന്നുകാരന് ​വ​യ​സ്സു​കാ​ര​ന് മ​രു​ന്നു​മാ​റി കു​ത്തി​വെ​പ്പ്​ ന​ൽ​കി​യ​ സം​ഭ​വ​ത്തി​ൽ ഡ്യൂ​ട്ടി ന​ഴ്‌​സി​ന്‍റേ​ത് ഗു​രു​ത​ര കൃ​ത്യ​വി​ലോ​പ​മെ​ന്ന്​ ആ​രോ​ഗ്യ​വ​കു​പ്പ്​ ഡ​യ​റ​ക്ട​റു​ടെ റി​പ്പോ​ർ​ട്ട്.

റിപ്പോർട്ടിന്റെ അ​ടി​സ്ഥാ​ന​ത്തി​ലാ​ണ് ഡ്യൂ​ട്ടി​ന​ഴ്‌​സ് സി​നു ചെ​റി​യാ​നെ ആ​രോ​ഗ്യ​വ​കു​പ്പ് ഡ​യ​റ​ക്ട​ർ സ​സ്പെ​ൻ​ഡ് ചെ​യ്‌​ത​ത്‌. ഡോ​ക്ട​റു​ടെ കു​റി​പ്പ​ടി പ​രി​ശോ​ധി​ച്ച്​ രോ​ഗി​ക്ക്​ കു​ത്തി​വെ​പ്പും മ​രു​ന്നും ന​ൽ​കേ​ണ്ട​ത്​ ഡ്യൂ​ട്ടി​ന​ഴ്​​സി​ന്‍റെ ചു​മ​ത​ല​യാ​ണ്. അ​ത് ചെ​യ്യാ​തെ മ​റ്റു​ജോ​ലി​ക​ളി​ൽ ഇ​വ​ർ ഏ​ർ​പ്പെ​ട്ടി​രു​ന്നു​വെ​ന്നാ​ണ്​ ആ​രോ​ഗ്യ​വ​കു​പ്പ്​ ഡ​യ​റ​ക്ട​ർ ക​ണ്ടെ​ത്തി​യ​ത്.

ഇ​ത് ഗു​രു​ത​ര വീ​ഴ്ച​യാ​ണെ​ന്ന്​ ആ​രോ​ഗ്യ​വ​കു​പ്പ്​ ഡ​യ​റ​ക്ട​ർ ഡോ. ​കെ ജെ റീ​ന പ​റ​ഞ്ഞു. പ​ക​രം കു​ത്തി​വെ​പ്പ്​ നി​ർ​വ​ഹി​ച്ച​ത്​ എ​ൻഎ​ച്ച്എം ന​ഴ്‌​സ് അ​ഭി​രാ​മി ആ​യി​രു​ന്നു. ജോ​ലി​യി​ൽ​നി​ന്ന് അ​ഭി​രാ​മി​യെ പി​രി​ച്ച് വി​ട്ടി​ട്ടു​ണ്ട്. സം​ഭ​വ​ദി​വ​സം ഡ്യൂ​ട്ടി​യി​ൽ ഉ​ണ്ടാ​കേ​ണ്ടി​യി​രു​ന്ന ഒ​രു ന​ഴ്‌​സ് അ​വ​ധി അ​പേ​ക്ഷ നേ​ര​ത്തേ ന​ൽ​കി​യി​രു​ന്നു.

ഇ​ത് അ​നു​വ​ദി​ച്ച ന​ഴ്‌​സി​ങ് സൂ​പ്ര​ണ്ട് പ​ക​രം ആ​ളി​നെ ജോ​ലി​ക്ക് നി​യോ​ഗി​ച്ചി​ല്ല. ഒ​രാ​ളെ നി​യോ​ഗി​ച്ചി​രു​ന്നു​വെ​ങ്കി​ൽ ഡ്യൂ​ട്ടി ന​ഴ്‌​സി​ന് മ​റ്റു​ജോ​ലി​ക​ൾ ചെ​യ്യേ​ണ്ടി​വ​രി​ല്ലാ​യി​രു​ന്നു. ഇ​തു​സം​ബ​ന്ധി​ച്ച്​ ന​ഴ്​​സി​ങ്​ സൂ​പ്ര​ണ്ടി​നോ​ട്​ വി​ശ​ദീ​ക​ര​ണം ചോ​ദി​ച്ചി​ട്ടു​ണ്ട്.

എ​ന്നാ​ൽ, മ​രു​ന്നു​മാ​റി കു​ത്തി​വെ​ച്ച​താ​യി ശാ​സ്ത്രീ​യ​മാ​യി ക​ണ്ടെ​ത്തി​യി​ട്ടി​ല്ല. മ​രു​ന്ന് മാ​റി​യ​തി​നാ​ലാ​ണ് കു​ട്ടി അ​പ​ക​ടാ​വ​സ്ഥ​യി​ലാ​യ​തെ​ന്ന്​ കു​ട്ടി ചി​കി​ത്സിക്കുന്ന ക​ഴി​യു​ന്ന എ​സ്എടി ആ​ശു​പ​ത്രി അ​ധി​കൃ​ത​രും അ​റി​യി​ച്ചി​ട്ടി​ല്ലെ​ന്ന് ആ​രോ​ഗ്യ​വ​കു​പ്പ് അ​റി​യി​ച്ചു.

അ​തേ​സ​മ​യം, മ​രു​ന്ന് മാ​റി​യി​ട്ടു​ണ്ടോ​യെ​ന്ന്​ പ​രി​ശോ​ധി​ക്കാ​ൻ ചു​മ​ത​ല​പ്പെ​ടു​ത്തി​യ ആ​രോ​ഗ്യ​വി​ദ​ഗ്‌​ധ​രു​ടെ റി​പ്പോ​ർ​ട്ട് ല​ഭി​ച്ചാ​ലേ ഇ​ക്കാ​ര്യം സ്ഥി​രീ​ക​രി​ക്കാ​ൻ ക​ഴി​യൂ. റി​പ്പോ​ർ​ട്ട് ല​ഭി​ച്ച​ശേ​ഷം ആ​വ​ശ്യ​മെ​ങ്കി​ൽ കൂ​ടു​ത​ൽ ന​ട​പ​ടി​യു​ണ്ടാ​കു​മെ​ന്നും ആ​രോ​ഗ്യ​വ​കു​പ്പ്​ ഡ​യ​റ​ക്ട​ർ അ​റി​യി​ച്ചു. കു​ട്ടി​യു​ടെ ആ​രോ​ഗ്യ​സ്ഥി​തി മാ​റ്റ​മി​ല്ലാ​തെ തു​ട​രു​ക​യാ​ണ്. കു​ട്ടി വെ​ന്റി​ലേ​റ്റ​റി​ൽ തു​ട​രു​ക​യാ​ണ്.

ക​ണ്ണ​മ്മൂ​ല സ്വ​ദേ​ശി​യു​ടെ മ​ക​നെ ക​ഴി​ഞ്ഞ 30 നാ​ണ് തൈ​ക്കാ​ട് ആ​ശു​പ​ത്രി​യി​ൽ മ​രു​ന്ന് മാ​റി കു​ത്തി​െ​വ​ച്ച​താ​യി ആ​രോ​പ​ണം ഉ​യ​ർ​ന്ന​ത്. കു​ത്തി​വെ​പ്പി​നെ തു​ട​ർ​ന്ന് നെ​ഞ്ചു​വേ​ദ​ന​യും ഛർ​ദി​യും ഉ​ണ്ടാ​യി ഗു​രു​ത​രാ​വ​സ്ഥ​യി​ലാ​യ കു​ട്ടി​യെ അ​വി​ടെ​നി​ന്ന്​ എ​സ്.​എ.​ടി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു.