ഡല്‍ഹി: രാജ്യത്തെ മുഴുവൻ പൗരന്മാർക്കും പെൻഷൻ ലഭ്യമാക്കാനുള്ള പദ്ധതിയുമായി കേന്ദ്രസർക്കാർ.
അസംഘടിതമേഖലയിലെ തൊഴിലാളികളെയടക്കം ഉള്‍പ്പെടുത്തിയാകും പുതിയ പദ്ധതി നടപ്പാക്കുക.
നിലവില്‍ വിവിധ മേഖലകളിലുള്ള പെൻഷൻ പദ്ധതികളെ ലയിപ്പിച്ചാകും സമഗ്ര പെൻഷൻ പദ്ധതി നടപ്പാക്കുക. രാജ്യത്തെ എല്ലാവർക്കും 60 വയസ് തികയുമ്പോള്‍ പെൻഷൻ എന്നതാണ് കേന്ദ്രസർക്കാർ ലക്ഷ്യമിടുന്നത്.
ഇതിനുള്ള നടപടിക്രമങ്ങള്‍ ആരംഭിച്ചു എന്നാണ് റിപ്പോർട്ട്.
എംപ്ലോയീസ് പ്രോവിഡന്റ് ഫണ്ട് (ഇ.പി.എഫ്.) പദ്ധതിയില്‍ നിന്ന് വ്യത്യസ്തമാവും പുതിയ പെൻഷൻ പദ്ധതി. നിലവിലെ ഇ-ശ്രം പോർട്ടല്‍ കണക്കുപ്രകാരം 30.67 കോടി അസംഘടിതതൊഴിലാളികളുണ്ട്. ഈവർഷം തിരഞ്ഞെടുപ്പ് നടക്കുന്ന ബിഹാറില്‍ 2.97 കോടി പേരാണ് ഈ മേഖലയിലുള്ളത്. ഉത്തർപ്രദേശ്(8.38 കോടി) കഴിഞ്ഞാല്‍ രണ്ടാംസ്ഥാനത്താണ് ബിഹാർ.
മാസം 1000 മുതല്‍ 1500 വരെ ലഭിക്കുന്ന അടല്‍ പെൻഷൻ യോജന, വഴിയോരക്കച്ചവടക്കാർ, വീട്ടുജോലിക്കാർ, തൊഴിലാളികള്‍ തുടങ്ങിയവർക്കുള്ള പി.എം.-എസ്.വൈ.എം, 60 വയസ്സായാല്‍ കർഷകർക്ക്‌ മാസം 3000 രൂപ ലഭിക്കുന്ന കിസാൻ മാൻധൻ യോജന, ഗിഗ് തൊഴിലാളികള്‍ക്ക് പ്രഖ്യാപിച്ച പദ്ധതികള്‍ തുടങ്ങിയവ ലയിപ്പിച്ചാകും പുതിയ പദ്ധതി നടപ്പാക്കുക.
Whatsapp Group 1 | Whatsapp Group 2 |Telegram Group
ഇ.പി.എഫ്. പോലെ പദ്ധതിക്ക് സർക്കാർവിഹിതമുണ്ടാവില്ല. പകരം നിശ്ചിതതുക മാസം അടച്ച്‌ 60 വയസ്സായാല്‍ നിശ്ചിതതുക പെൻഷനായി നേടാം.
