ഇന്ത്യൻ സിം കാര്‍ഡുകള്‍ ഉപയോഗിച്ച്‌ സൈനിക രഹസ്യങ്ങള്‍ ചോര്‍ത്താൻ പാക് ശ്രമം; നേപ്പാള്‍ സ്വദേശി അറസ്റ്റില്‍

ന്യൂഡൽഹി: ഇന്ത്യൻ സിം കാർഡുകള്‍ ഉപയോഗിച്ച്‌ സൈനിക രഹസ്യങ്ങള്‍ ചോർത്താൻ പാക്കിസ്ഥാൻ ശ്രമിച്ചെന്ന് സ്ഥീരികരിച്ച്‌ കേന്ദ്ര അന്വേഷണ ഏജൻസികള്‍.

നേപ്പാള്‍ പൗരൻ കടത്തികൊണ്ടുവന്ന സിം കാർഡുകള്‍ ഉപയോഗിച്ചാണ് ജമ്മു കശ്മീർ, മഥുര എന്നിവടങ്ങളില്‍ വിന്യസിച്ചിരുന്ന സൈനികരുമായി ബന്ധപ്പെടാൻ പാക് ചാര സംഘടന ശ്രമിച്ചതെന്ന് വ്യക്തമായി. പാക് ചാര സംഘടന ഏകദേശം 75 സൈനികരുമായി ബന്ധം സ്ഥാപിക്കാൻ ശ്രമിച്ചെന്നും കേന്ദ്ര ഇന്റലിജൻസ് ഏജൻസികള്‍ കണ്ടെത്തിയിട്ടുണ്ട്.

വാട്‌സ് ആപ്പ് വഴിയാണ് പാക് ചാരസംഘടന സൈനികരുമായി ആശയവിനിമയം നടത്തിയത്. വരും ദിവസങ്ങളില്‍ ഈ സൈനിക ഉദ്യോഗസ്ഥരെ ചോദ്യം ചെയ്യാൻ വിളിപ്പിക്കുമെന്ന് കേന്ദ്ര ഇന്റെലിജൻസ് ഏജൻസി വൃത്തങ്ങള്‍ പറഞ്ഞു. പാക് ചാരൻമാരുമായി ആശയവിനിമയം നടത്തിയ സൈനികരെ ഉടൻ ചോദ്യം ചെയ്യാൻ വിളിപ്പിക്കുമെന്നാണ് വിവരം.