ഇന്ത്യ – ഓസ്‌ട്രേലിയ നാലാം ഏകദിനം ഞായറാഴ്ച: പരമ്പര സ്വന്തമാക്കാൻ ഇന്ത്യ; ഒപ്പമെത്താൻ ഓസീസ്

സ്വന്തം ലേഖകൻ

മൊഹാലി: ഇന്ത്യയും ഓസ്‌ട്രേലിയയും തമ്മിലുള്ള നാലാം ഏകദിനം ഞായറാഴ്ച മൊഹാലിയിൽ നടക്കും. പരമ്ബരയിൽ 2-1ന് മുന്നിലുള്ള ഇന്ത്യക്ക് ഇന്ന് ജയിച്ചാൽ പരമ്പര സ്വന്തമാക്കാനാകും. അതേസമയം ഇന്ത്യക്കൊപ്പമെത്താനുള്ള ശ്രമത്തിലാണ് ഓസീസ്. നായകൻ വിരാട് കോഹ്ലി ഒഴികെയുള്ള മുൻ നിര ബാറ്റ്സ്മാൻമാർ ഫോം കണ്ടെത്താൻ ബുദ്ധിമുട്ടുന്നതാണ് ഇന്ത്യയെ സമ്മർദത്തിലാക്കുന്നത്.റാഞ്ചിയിലെ തോൽവിയിൽ പാഠം പഠിച്ച ഇന്ത്യ മൊഹാലിയിൽ മാറ്റങ്ങളുമായാണ് ഇന്ന് കളത്തിലിറങ്ങുന്നത്. നാലാം ഏകദിനത്തിൽ ബാറ്റിങ് നിരയിലും ബൗളിങ് നിരയിലും മാറ്റങ്ങളുണ്ടാകുമെന്നാണ് സൂചന.

പരമ്പരയിൽ ഇന്ത്യ 2-1ന് മുന്നിലാണ്. ജയിച്ചാൽ ഒരു കളി ശേഷിക്കെ പരമ്ബര സ്വന്തമാക്കാം. എന്നാൽ, റാഞ്ചിയിൽ തകർപ്പൻ ജയം നേടിയ ഓസ്ട്രേലിയ ലോകകപ്പിനുമുമ്ബ് ഇന്ത്യക്ക് കനത്ത താക്കീതാണ് നൽകിയിരിക്കുന്നത്.മഹേന്ദ്ര സിങ് ധോണിക്ക് വിശ്രമം അനുവദിച്ചതോടെ ഋഷഭ് പന്തിനാകും വിക്കറ്റ് കീപ്പറുടെ ചുമതല, ബൗളിങ് നിരയിലും മാറ്റം വരുത്തിയേക്കും. ഫീൽഡിങിൽ അല്ലാതെ ഫോം ഇല്ലാത്ത ജഡേജ ഇന്നത്തെ മത്സരത്തിൽ പുറത്തിരിക്കേണ്ടി വരും. അതേസമയം ആസ്ട്രേലിയൻ ക്യാമ്പ് ആത്മവിശ്വാസത്തിലാണ്.അവരുടെ മുന്നേറ്റ നിര ഫോമിലെത്തിയതും ബൗർമാർ കൃത്യമായ ഇടവേളകളിൽ വിക്കറ്റ് വീഴ്ത്തുന്നതും ഫിഞ്ചിന് ആത്മവിശ്വാസമേകുന്നു.