അനധികൃത മദ്യവിൽപന; രഹസ്യവിവരത്തെത്തുടർന്ന് പോലീസിൻ്റെ റെയ്ഡ്; വീട്ടിൽ നിന്നും ഒരു കോടി രൂപ കണ്ടെത്തി; മൂന്നുപേർ അറസ്റ്റിൽ

പുണെ: വീട് കേന്ദ്രീകരിച്ച് അനധികൃത മദ്യ വിൽപന നടക്കുന്നു എന്ന വിവരത്തെ തുടർന്നു പരിശോധനയ്ക്കെത്തിയ പൊലീസ് കണ്ടെടുത്തത് ഒരു കോടി രൂപ.

Link

Embed

Copy and paste this HTML code into your webpage to embed.

രഹസ്യവിവരത്തെ തുടർന്നാണ് പൊലീസ് മഫ്തിയിൽ മഹാരാഷ്ട്രയിലെ കോണ്ഡ്വയിലെ വീട്ടിലെത്തിയത്. 1.41 ലക്ഷം രൂപയും വിവിധ ബ്രാൻഡുകളിലുള്ള വിദേശ നിർമിത മദ്യവും നാടൻ ചാരായവും പിടിച്ചെടുത്തു. തുടർന്ന് കൂടുതൽ മദ്യം സൂക്ഷിച്ചിട്ടുണ്ടോ എന്ന അന്വേഷണത്തിലാണ് കിടപ്പുമുറിയിൽ സൂക്ഷിച്ച പണം സിറ്റി പൊലീസ് കണ്ടെടുത്തത്.

കണ്ടെടുത്ത നോട്ടുകൾ എണ്ണിത്തിട്ടപ്പെടുത്താൻ കൂടുതൽ പൊലീസുകാരെ വിളിച്ചു വരുത്തി. പരിശോധന പൂർത്തിയാക്കിയപ്പോൾ 1,00,85,950 രൂപയാണ് കണ്ടെടുത്തത്. പ്രതികൾ മുൻപും മദ്യം കടത്തിയതിനു പിടിയിലായിട്ടുണ്ട്. സംഭവത്തിൽ മൂന്നുപേരെ അറസ്റ്റ് ചെയ്തു.