ഇടുക്കിയിൽ യുവാവ് പുഴയിൽ മുങ്ങി മരിച്ചു; മാങ്കുളത്ത് മിനി ഡാം നിർമ്മാണം ഏറ്റെടുത്തിട്ടുള്ള കെ.എസ്. ആർ കമ്പനിയുടെ സൈറ്റ് എൻജിനീയറാണ് മരിച്ചത് ; കുളിക്കാനിറങ്ങിയപ്പോൾ കാൽവഴുതി വെള്ളത്തിലേക്ക് വീണതാകാമെന്നാണ് പ്രാഥമിക നിഗമനം

സ്വന്തം ലേഖകൻ

ഇടുക്കി: സ്വകാര്യ കമ്പനി എൻജിനീയർ മാങ്കുളത്ത് പുഴയിൽ മുങ്ങിമരിച്ചു. ആനച്ചാൽ സ്വദേശി ചൂണ്ടക്കുന്നേൽ സത്യൻ(42) ആണ് മരിച്ചത്.

മാങ്കുളത്ത് മിനി ഡാം നിർമ്മാണം ഏറ്റെടുത്തിട്ടുള്ള കെ.എസ്. ആർ കമ്പനിയുടെ സൈറ്റ് എൻജിനീയറാണ് മരിച്ച സത്യൻ.

പെരുമ്പൻകുത്ത് ചപ്പാത്തിൽ കുളിക്കാനിറങ്ങിയപ്പോൾ കാൽവഴുതി വെള്ളത്തിലേക്ക് വീണതാകാമെന്നാണ് നിഗമനം.

നാട്ടുകാർ ഇയാളെ ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പോസ്റ്റുമോർട്ടം ഉൾപ്പടെയുള്ള നടപടികൾ പൂർത്തിയാക്കി മൃതദേഹം ഇന്ന് ബന്ധുക്കൾക്ക് വിട്ടുനൽകും. സംഭവത്തിൽ പൊലീസ് കേസെടുത്തു.