നടിയെ ആക്രമിച്ച കേസ്: വിസ്താരത്തിനിടെ നടൻ ഇടവേള ബാബു കൂറുമാറി : ദിലീപിന് അനുകൂല മൊഴി നൽകി

സ്വന്തം ലേഖകൻ

കൊച്ചി: നടിയെ ആക്രമിച്ച കേസിൽ വിസ്താരത്തിനിടെ നടൻ ഇടവേള ബാബു കൂറുമാറി. കേസിലെ പ്രതിയായ നടൻ ദിലീപിന് അനുകൂലമായാണ് കൂറുമാറ്റം. പൊലിസിന് നൽകിയ മൊഴിയിൽ നിന്നും പിന്മാറി. അവസരങ്ങൾ ദിലീപ് തട്ടിയെടുക്കുന്നതായി നടി പറഞ്ഞെന്നായിരുന്നു മൊഴി.

സാക്ഷി കൂറുമാറിയതായി പ്രഖ്യാപിക്കണമെന്ന് പ്രോസിക്യൂഷന്റെ ആവശ്യം കോടതി അംഗീകരിച്ചു. തന്റെ അവസരങ്ങൾ തട്ടി
യെടുക്കുന്നതായി നടി തന്നോട് പറഞ്ഞിരുന്നു എന്നാണ് ഇടവേള ബാബു ആദ്യം പൊലീസിൽ കൊടുത്ത മൊഴി . ഈ കാര്യം താൻ ദിലീപിനോടു ചോദിച്ചിരുന്നതായും അന്വേഷണ സംഘത്തിന് മുമ്പിൽ പറഞ്ഞ മൊഴി. എന്നാൽ ഈ കാര്യങ്ങൾ ഇന്നു നടന്ന വിസ്താര വേളയിൽ ഇടവേള ബാബു നിഷേധിക്കുകയായിരുന്നു.