ഹ്യുണ്ടായി മോട്ടോർ ഇന്ത്യ ലിമിറ്റഡ് (HMIL) ഇന്ത്യൻ വിപണിയിൽ 26 പുതിയ ഉൽപ്പന്നങ്ങൾ പുറത്തിറക്കുമെന്ന് സ്ഥിരീകരിച്ചു.
അതിൽ ഫെയ്‌സ്‌ലിഫ്റ്റുകൾ, പുതുതലമുറ മോഡലുകൾ, 2030 സാമ്പത്തിക വർഷാവസാനത്തോടെ പുറത്തിറങ്ങുന്ന പുതിയ ഉൽപ്പന്നങ്ങൾ എന്നിവ ഉൾപ്പെടുന്നു. ഈ ശ്രേണിയിൽ 20 ഐസിഇ (ആന്തരിക ജ്വലന എഞ്ചിൻ) വാഹനങ്ങൾ, ആറ് ഇലക്ട്രിക് വാഹനങ്ങൾ , ഹൈബ്രിഡ് വാഹനങ്ങൾ എന്നിവ ഉൾപ്പെടും.
ഈ ആക്രമണാത്മകവും തന്ത്രപരവുമായ ലോഞ്ച് പ്ലാനുകൾ ഹ്യുണ്ടായ് മോട്ടോർ ഇന്ത്യയുടെ നൂതനാശയങ്ങൾ, വിപണി പ്രതികരണശേഷി, ഉപഭോക്താക്കൾക്ക് സുസ്ഥിരമായ മൂല്യം നൽകൽ എന്നിവയിലുള്ള ശക്തമായ പ്രതിബദ്ധതയെ പ്രകടമാക്കുന്നു എന്ന് ഹ്യുണ്ടായി പറയുന്നു.
Whatsapp Group 1 | Whatsapp Group 2 |Telegram Group
വരാനിരിക്കുന്ന ഉൽപ്പന്നങ്ങളുടെ പേര് ഹ്യുണ്ടായ് ഇതുവരെ വെളിപ്പെടുത്തിയിട്ടില്ല, നമുക്ക് പ്രതീക്ഷിക്കാവുന്നത് ഇതാ.
വരാനിരിക്കുന്ന ഹ്യുണ്ടായ് ഐസിഇ മോഡലുകൾ
ഹ്യുണ്ടായിയുടെ ജനപ്രിയ എസ്‌യുവികളായ വെന്യു, ക്രെറ്റ എന്നിവ യഥാക്രമം 2025 ലും 2027 ലും അടുത്ത തലമുറയിലേക്ക് പ്രവേശിക്കും.
പുതിയ വെന്യു കാര്യമായ രീതിയിൽ അപ്‌ഡേറ്റ് ചെയ്‌ത ഡിസൈനും ഇന്റീരിയറുമായി വരാൻ സാധ്യതയുണ്ട്. അതേസമയം എഞ്ചിൻ സജ്ജീകരണം മാറ്റമില്ലാതെ തുടരും. ട്യൂസൺ എസ്‌യുവിക്ക് ഈ വർഷം ഒരു മിഡ്‌ലൈഫ് അപ്‌ഡേറ്റും ലഭിക്കും.
ദക്ഷിണ കൊറിയൻ വാഹന നിർമ്മാതാക്കൾ 2026-27 സാമ്പത്തിക വർഷത്തിൽ ഹ്യുണ്ടായി ബയോൺ കോംപാക്റ്റ് ക്രോസ്ഓവർ പുറത്തിറക്കാനും പദ്ധതിയിട്ടിട്ടുണ്ട് . ആഗോള വിപണികളിൽ, രണ്ട് ട്യൂണിംഗ് തലങ്ങൾ ഉള്ള 1.0 ലിറ്റർ ടർബോചാർജ്‍ഡ് പെട്രോൾ എഞ്ചിനാണ് ഇത് വാഗ്ദാനം ചെയ്യുന്നത്.
ലോഞ്ച് ചെയ്തുകഴിഞ്ഞാൽ, ഇത് മാരുതി ഫ്രോങ്ക്സിനെതിരെ മത്സരിക്കും. 10 ലക്ഷം മുതൽ 15 ലക്ഷം രൂപ വരെ വില പ്രതീക്ഷിക്കുന്നു. വരാനിരിക്കുന്ന മറ്റ് ഹ്യുണ്ടായി കാറുകളെ (ICE) കുറിച്ചുള്ള കൂടുതൽ വിവരങ്ങൾ സമീപഭാവിയിൽ വെളിപ്പെടുത്തും.
വരാനിരിക്കുന്ന ഹ്യുണ്ടായി ഹൈബ്രിഡ് കാറുകൾ
ഹ്യുണ്ടായി ഹൈബ്രിഡ് കാറുകളും ഇന്ത്യയിൽ ലോഞ്ചു ചെയ്യും. മോഡലുകളുടെ പേരുകളും വിശദാംശങ്ങളും ഇപ്പോൾ ലഭ്യമല്ല. എങ്കിലും, നിരയിൽ മൂന്ന് നിര എസ്‌യുവിയും ക്രെറ്റ ഹൈബ്രിഡും ഉൾപ്പെട്ടേക്കാം.
കമ്പനിയുടെ ഉൽപ്പന്ന പോർട്ട്‌ഫോളിയോയിൽ അൽകാസർ, ട്യൂസൺ എസ്‌യുവികൾക്ക് ഇടയിലായിരിക്കും പുതിയ 7 സീറ്റർ ഹൈബ്രിഡ് എസ്‌യുവി സ്ഥാനംപിടിക്കുക. 2027-ൽ അടുത്ത തലമുറ അപ്‌ഡേറ്റോടെ, ക്രെറ്റയ്ക്ക് ശക്തമായ ഒരു ഹൈബ്രിഡ് പവർട്രെയിൻ ലഭിക്കും.
ആഗോളതലത്തിൽ ലഭ്യമായ ട്യൂസണിന്റെ 1.6 ലിറ്റർ പെട്രോൾ ഹൈബ്രിഡ് പവർട്രെയിൻ കമ്പനി വാഗ്ദാനം ചെയ്തേക്കാം. അല്ലെങ്കിൽ ശക്തമായ ഹൈബ്രിഡ് സംവിധാനത്തോടുകൂടിയ 1.5 ലിറ്റർ നാച്ചുറലി ആസ്‍പിരേറ്റഡ് പെട്രോൾ എഞ്ചിൻ ഉപയോഗിച്ചേക്കാം.
വരാനിരിക്കുന്ന കർശനമായ ബിഎസ് 7 എമിഷൻ മാനദണ്ഡങ്ങൾ കാരണം, ഡീസൽ എഞ്ചിനുകൾക്ക് പകരമായി ഹൈബ്രിഡ് സാങ്കേതികവിദ്യയെ കമ്പനി കാണാനാണ് സാധ്യത എന്നും റിപ്പോർട്ടുകൾ പറയുന്നു.
വരാനിരിക്കുന്ന ഹ്യുണ്ടായ് ഇലക്ട്രിക് കാറുകൾ
ഇൻസ്റ്റർ ഇവി , അയോണിക് 9 , ഗ്രാൻഡ് ഐ10 നിയോസ് ഇവി, വെന്യു ഇവി എന്നിവ ഉൾപ്പെടുന്ന 6 പുതിയ മോഡലുകളുമായി തങ്ങളുടെ ഇവി ഉൽപ്പന്ന പോർട്ട്‌ഫോളിയോ വികസിപ്പിക്കാനാണ് ദക്ഷിണ കൊറിയൻ വാഹന നിർമ്മാതാക്കൾ ലക്ഷ്യമിടുന്നത്.
ഹ്യുണ്ടായി എക്‌സ്റ്റർ ഇവി ലോഞ്ചും ഉണ്ടാകുമെന്ന് റിപ്പോർട്ടുകൾ സൂചിപ്പിക്കുന്നു. കൂടാതെ, ഹ്യുണ്ടായി ക്രെറ്റ ഇലക്ട്രിക് ഫെയ്‌സ്‌ലിഫ്റ്റിന് 2027 ൽ ആദ്യത്തെ മിഡ്‌ലൈഫ് അപ്‌ഡേറ്റ് ലഭിക്കും.
