ചെക്കിംഗ് ബാഗേജിന്റെ എക്സ്റേ പരിശോധനയിൽ സംശയം; വിശദമായ പരിശോധനയിൽ 35 ലക്ഷം രൂപയുടെ ഹൈബ്രിഡ് കഞ്ചാവുമായി യുവതി പിടിയിൽ

കൊച്ചി: ഹൈബ്രിഡ് കഞ്ചാവുമായി നെടുമ്പാശ്ശേരിയിൽ യുവതി പിടിയിൽ.

35 ലക്ഷം രൂപ വിലവരുന്ന കഞ്ചാവ് ഇവരിൽ നിന്ന് പിടിച്ചെടുത്തു.കഞ്ചാവ് കടത്തിയ തമിഴ്നാട് സ്വദേശിയായ യുവതിയെ കസ്റ്റംസ് അറസ്റ്റ് ചെയ്തു.

തമിഴ്നാട് സ്വദേശിനി തുളസിയാണ് (36] കസ്റ്റംസിന്റെ പിടിയിലായത്.

ഇവരുടെ ചെക്കിംഗ് ബാഗേജിന്റെ എക്സ്റേ പരിശോധനയിൽ സംശയം തോന്നി വിശദമായി പരിശോധിച്ചപ്പോഴാണ് 1190 ഗ്രാം ഹൈബ്രിഡ് കഞ്ചാവ് ഒളിപ്പിച്ചത് കണ്ടെത്തിയത്.