കോഴിക്കോട്: വേട്ടയാടിപ്പിച്ച കലമാനുകളും തോക്കും കലമാന്റെ ഇറച്ചിയുമായി യുവാവിനെ ഫോറസ്റ്റ് സംഘം പിടികൂടി. മലപ്പുറം കരുവാരക്കുണ്ട് ഇയ്യമടത്തില് അബ്ദുള് സമദിനെയാണ് താമരശ്ശേരി റെയ്ഞ്ച് ഫോറസ്റ്റ് സംഘം പിടികൂടിയത്. താമരശ്ശേരി ഫോറസ്റ്റ് റെയ്ഞ്ചില്പ്പെട്ട പുതുപ്പാടിയിലാണ് സംഭവം.
പുതുപ്പാടി കൊളമല വനത്തില് നായാട്ടു സംഘം പ്രവേശിച്ചിട്ടുണ്ടെന്ന രഹസ്യവിവരം ലഭിച്ചതിനെ തുടര്ന്ന് പുലര്ച്ചെ 2.30 മുതല് വനപാലകര് നടത്തിയ തിരച്ചിലിലാണ് അബ്ദുള് സമദ് പിടിയിലാകുന്നത്. സംഘത്തില്പ്പെട്ട കരുവാരക്കുണ്ട് സ്വദേശി ഖലീല്, ഈങ്ങാപ്പുഴ ചോയിയോട് മുഹമ്മദ് റാഫി, ഈങ്ങാപ്പുഴ സ്വദേശി നൗഫല് എന്നിവര് വേട്ടയ്ക്ക് ഉപയോഗിച്ച തോക്കുകളുമായി ഓടി രക്ഷപ്പെട്ടു.
ഒരു മാന്യനെ വെടിയേറ്റ നിലയിലും മറ്റൊന്നിനെ ഇറച്ചിയാക്കിയ നിലയിലും കണ്ടെത്തി. റോഡരികില് നിര്ത്തിയിട്ട ഓട്ടോയില് നിന്നുമാണ് മാനിന്റെ ഇറച്ചി കണ്ടെത്തിയത്. പ്രതികള് സഞ്ചരിച്ചതായി കരുതുന്ന മറ്റൊരു കാറിനായി അന്വേഷണം തുടങ്ങിയിട്ടുണ്ട്.
Whatsapp Group 1 | Whatsapp Group 2 |Telegram Group