സ്വന്തം ലേഖിക
തിരുവനന്തപുരം: ഇന്ധന- പാചക വാതക വില വര്ധനവിൻ്റെ പശ്ചാതലത്തില് ഹോട്ടല് ഭക്ഷണത്തിന് വില വര്ധിപ്പിക്കാനൊരുങ്ങി സംസ്ഥാനത്തെ ഹോട്ടലുടമകള്.
വില വര്ദ്ധിപ്പിക്കാതെ ഇനി പിടിച്ചു നില്ക്കാനാകില്ലെന്ന് കേരള ഹോട്ടല് & റസ്റ്റോറൻ്റ് അസോസിയേഷന് ഭാരവാഹികള് പറയുന്നു.
Whatsapp Group 1 | Whatsapp Group 2 |Telegram Group
വാണിജ്യാവശ്യത്തിനുള്ള പാചക വാതകത്തിൻ്റെ വില അനിയന്ത്രിതമായി വര്ദ്ധിപ്പിച്ചതോടെ നിലവിലെ നിരക്കില് ഭക്ഷണം വിളമ്പിയാല് കട പൂട്ടേണ്ടിവരുമെന്നാണ് ഹോട്ടലുടമകള് പറയുന്നത്.
ഇന്ധന വില കൂടുന്നത് നിത്യ സംഭവമായതോടെ കോഴിക്കും, തക്കാളിക്കും ഒക്കെ വില കൂടാന് തുടങ്ങിയിരുന്നു.
ഭക്ഷണത്തിന് വില കൂട്ടാന് അനുവദിക്കാത്ത പക്ഷം ഹോട്ടലുകള് അടച്ചിടുകയല്ലാതെ മറ്റ് മാര്ഗങ്ങളില്ലെന്നും ഉടമകളുടെ സംഘടന നേതാക്കള് വ്യക്തമാക്കുന്നു.
ഇക്കാര്യങ്ങളെല്ലാം ചൂണ്ടിക്കാണിച്ച് ഹോട്ടലുടമകളുടെ സംഘടന മുഖ്യമന്ത്രിയ്ക്കും, കേന്ദ്ര പെട്രോളിയം മന്ത്രിക്കും കത്തയച്ചു.
