പ്രമുഖ പൊതുമേഖലാ ബാങ്കുകളായ പഞ്ചാബ് നാഷണല്‍ ബാങ്ക്, ബാങ്ക് ഓഫ് ബറോഡ, ഇന്ത്യൻ ബാങ്ക്, ബാങ്ക് ഓഫ് ഇന്ത്യ, യൂകോ ബാങ്ക് എന്നിവ ഭവന വായ്പയുടെ പലിശനിരക്കുകള്‍ കുറച്ചു.
റിസർവ് ബാങ്ക് റിപ്പോ നിരക്ക് 0.50% കുറച്ചതിന് പിന്നാലെയാണ് ഈ തീരുമാനം. 2025 ജൂണ്‍ 6ന് നടന്ന പണവായ്പ നയ അവലോകനത്തിലാണ് റിപ്പോ നിരക്ക് 6.00% ല്‍ നിന്ന് 5.50% ആയി കുറച്ചത്. 2025 ഫെബ്രുവരി മുതല്‍ റിപ്പോ നിരക്ക് ആകെ 1% കുറച്ചിട്ടുണ്ട്.
റിപ്പോ നിരക്ക് കുറയുമ്പോള്‍, അതുമായി ബന്ധമുള്ള ഭവന വായ്പകളുടെ പലിശ നിരക്കിലും കുറവ് സംഭവിക്കുന്നു. ഇത് വായ്പ എടുത്തവർക്കു നിര്‍ണായകമായൊരു ആശ്വാസമാകുന്നു, കാരണം പലിശ കുറയുന്നതോടെ ഓരോ മാസവും അടയ്ക്കേണ്ട തുകയിലെയും കുറവ് വരും.
Whatsapp Group 1 | Whatsapp Group 2 |Telegram Group
പലിശ നിരക്ക് കുറച്ച ബാങ്കുകളില്‍ പഞ്ചാബ് നാഷണല്‍ ബാങ്ക്, ബാങ്ക് ഓഫ് ബറോഡ, ഇന്ത്യന്‍ ബാങ്ക്, ബാങ്ക് ഓഫ് ഇന്ത്യ, യൂകോ ബാങ്ക് എന്നിവ ഉള്‍പ്പെടുന്നു.
1.പഞ്ചാബ് നാഷണല്‍ ബാങ്ക്
റിപ്പോ ലിങ്ക്ഡ് ലെൻഡിംഗ് റേറ്റ് 8.85% ല്‍ നിന്ന് 8.35% ആയി കുറച്ചു. ഇത് ജൂണ്‍ 9, 2025 മുതല്‍ പ്രാബല്യത്തില്‍ വരും. 0.50% കുറവാണ് ബാങ്ക് വരുത്തിയിരിക്കുന്നത്.
2.ബാങ്ക് ഓഫ് ബറോഡ
റിപ്പോ അധിഷ്ഠിത വായ്പാ നിരക്ക് 8.65% ല്‍ നിന്ന് 8.15% ആയി കുറച്ചു. ജൂണ്‍ 7, 2025 മുതല്‍ ഇത് പ്രാബല്യത്തില്‍ വന്നു. 0.50% കുറവാണ് വരുത്തിയിരിക്കുന്നത്.
3.ബാങ്ക് ഓഫ് ഇന്ത്യ
റിപ്പോ അധിഷ്ഠിത വായ്പാ നിരക്ക് 8.85% ല്‍ നിന്ന് 8.35% ആയി കുറച്ചു. ജൂണ്‍ 6, 2025 മുതലാണ് പുതിയ നിരക്ക്. 0.50% കുറവാണ് ബാങ്ക് പ്രഖ്യാപിച്ചിരിക്കുന്നത്.
4.ഇന്ത്യൻ ബാങ്ക്
റിപ്പോ ലിങ്ക്ഡ് ബെഞ്ച്മാർക്ക് ലെൻഡിംഗ് റേറ്റ്സ് 8.70% ല്‍ നിന്ന് 8.20% ആയി കുറച്ചു. ജൂണ്‍ 6, 2025 മുതല്‍ ഇത് പ്രാബല്യത്തില്‍ വന്നു.
5.യുകോ ബാങ്ക്
മാർജിനല്‍ കോസ്റ്റ് ഓഫ് ഫണ്ട്സ് ബേസ്ഡ് ലെൻഡിംഗ് റേറ്റ് 0.10% കുറച്ചു. ഇത് ജൂണ്‍ 10 മുതല്‍ പ്രാബല്യത്തില്‍ വരും
