കേരളത്തില് എച്ച് ഐ വി ബാധിതരുടെ എണ്ണം കൂടുന്നതായി കേരളാ എയ്ഡ്സ് കണ്ട്രോള് സൊസൈറ്റി. പ്രതിമാസം സംസ്ഥാനത്ത് ശരാശരി 100 പുതിയ എച്ച്ഐവി അണുബാധിതരുണ്ടാകുന്നു എന്നാണ് റിപ്പോര്ട്ട്.
പുതുതായി എച്ച്ഐവി ബാധിതരാകുന്നവരില് 15 മുതല് 24 വരെ പ്രായമുളളവരുടെ എണ്ണം കൂടുകയാണ്. കഴിഞ്ഞ മൂന്ന് വര്ഷമായി എച്ച്ഐവി പോസിറ്റീവാകുന്നവരുടെ എണ്ണം കൂടുകയാണ്.
2022 ല് 9 ശതമാനം വര്ധനവാണ് എച്ച് ഐ വി രോഗികളുടെ എണ്ണത്തില് ഉണ്ടായത്. 2023 ല് ഇത് 12 ശതമാനമായി വര്ധിച്ചു. 2024 ല് 14.2 ശതമാനവും ആയി.
Whatsapp Group 1 | Whatsapp Group 2 |Telegram Group
അതേസമയം ഈ വര്ഷം ഏപ്രില് മുതല് ഒക്ടോബര് വരെയുളള കാലയളവില് 15.5 ശതമാനം വര്ധനവാണ് രോഗ ബാധിതരുടെ എണ്ണത്തില് ഉണ്ടായിരിക്കുന്നത്. മൂന്ന് വര്ഷത്തിനിടെ സംസ്ഥാനത്ത് 4477 പേര്ക്കാണ് എയ്ഡ്സ് ബാധിച്ചത്.
അതില് 3393 പേര് പുരുഷന്മാരും 1065 പേര് സ്ത്രീകളും 19 പേര് ട്രാന്സ്ജെന്ഡര് വ്യക്തികളുമാണ്. രോഗബാധയുണ്ടായ 1065 സ്ത്രീകളില് 90 പേര് ഗര്ഭിണികളായിരുന്നു.
സംസ്ഥാനത്ത് നിലവില് 23,608 പേര് എച്ച്ഐവി ബാധിതരാണ്. ഇവരില് 62 ശതമാനത്തിലേറെ പേര്ക്കും എച്ച്ഐവി അണുബാധയുണ്ടായത് സുരക്ഷിതമല്ലാത്ത ലൈംഗിക ബന്ധം വഴിയാണ്. സുരക്ഷിതമല്ലാത്ത സ്വവര്ഗരതിയിലൂടെ 24.6 ശതമാനം പേര്ക്കും രോഗബാധയുണ്ടായി.
സൂചി പങ്കിട്ടുളള ലഹരിമരുന്ന് ഉപയോഗത്തിലൂടെ 8.1 ശതമാനം പേര്ക്കും അമ്മയില് നിന്ന് കുഞ്ഞിലേക്ക് 0.9 ശതമാനം പേര്ക്കും എച്ച് ഐ വി ബാധിച്ചു. കഴിഞ്ഞ മൂന്ന് വര്ഷത്തിനിടെ ഏറ്റവും കൂടുതല് എച്ച്ഐവി അണുബാധിതരുണ്ടായത് എറണാകുളത്താണ്.
850 പേര്ക്കാണ് എറണാകുളത്ത് എച്ച്ഐവി രോഗബാധയുണ്ടായത്. തിരുവനന്തപുരത്ത് 555 പേര്ക്കും തൃശൂരില് 518 പേര്ക്കും കോഴിക്കോട് 441 പേര്ക്കും രോഗം സ്ഥിരീകരിച്ചിട്ടുണ്ട്.
പാലക്കാട് 371 പേര്ക്കും കോട്ടയത്ത് 350 പേര്ക്കുമാണ് എച്ച്ഐവി രോഗബാധയുണ്ടായത്. 67 പേര്ക്ക് എച്ച് ഐ വി സ്ഥിരീകരിച്ച വയനാട്ടിലാണ് ഏറ്റവും കുറവ്. ഈ സാമ്ബത്തിക വര്ഷം ഒക്ടബോര് വരെ എറണാകുളത്ത് പുതുതായി 160 പേര്ക്ക് എച്ച്ഐവി ബാധിക്കപ്പെട്ടതായി കണ്ടെത്തി.
ഓരോ മാസവും ശരാശരി 23 പുതിയ എച്ച്ഐവി കേസുകള് ജില്ലയില് രേഖപ്പെടുത്തുന്നുണ്ട് എന്നാണ് വിവരം
