കൊച്ചി: കേസുകള് തീര്പ്പാക്കുന്നതില് റെക്കാഡ് വേഗവുമായി കേരള ഹൈക്കോടതി.
2024ല് 1,02,963 കേസുകള് തീര്പ്പാക്കിയ കോടതി 2025ല് ഇതുവരെ 1,09,239 കേസുകള്ക്കാണ് തീര്പ്പുകല്പ്പിച്ചത്.
ഈ വര്ഷം ആറ് ശതമാനത്തിലധികമാണ് വര്ദ്ധന.
ബെഞ്ചും ബാറും തമ്മിലുള്ള ടീം വര്ക്കാണ് ഈ നേട്ടത്തിന് നിദാനം. എങ്കിലും, കെട്ടിക്കിടക്കുന്ന കേസുകളുടെ എണ്ണം ആശങ്കയുണ്ടാക്കുന്നതാണ്.
Whatsapp Group 1 | Whatsapp Group 2 |Telegram Group
ജസ്റ്റിസ് പി.വി. കുഞ്ഞികൃഷ്ണനാണ് ഇത്തവണയും ഒന്നാമത് – 15,026 കേസുകള്. ജസ്റ്റിസ് സി.എസ്. ഡയസ് (8,713), ജസ്റ്റിസ് ബെച്ചു കുര്യന് തോമസ് (7,627), ജസ്റ്റിസ് സി.പി. മുഹമ്മദ് നിയാസ് (5,936) എന്നിവരും മുന്നിരയിലുണ്ട്.
സിവില് വിഭാഗത്തില് മാത്രം 2,07,081 കേസുകള് തീര്പ്പുകല്പ്പിക്കാനുണ്ട്. ഇവയില് 1,47,963 കേസുകള് ഒരു വര്ഷത്തിലേറെ പഴക്കമുള്ളവയാണ്. ക്രിമിനല് വിഭാഗത്തില് 50,785 കേസുകളുണ്ട്. ഇതില് 34,835 എണ്ണം ഒരു വര്ഷത്തിനപ്പുറമുള്ളതാണ്.
