ചക്ക കഴിക്കാൻ ഏറെ പ്രിയമുള്ളവർക്ക് ചക്കക്കുരുവിനോട് അത്ര പ്രിയം കാണില്ല. സീസണ്‍ ആയാല്‍ പിന്നെ വീട്ടില്‍ എന്നും ചക്കയും ചക്കക്കുരു വും കൊണ്ടുള്ള വിഭവങ്ങള്‍ ആകും. പഴമക്കാർക്ക് ഇഷ്ടപെടുന്നപോലെ പുതിയ തലമുറക്ക് ചക്കക്കുരു അത്ര രസിച്ചെന്നുവരില്ല..എന്നാല്‍ ഇതിന്റെ ഗുണം കേട്ടാല്‍ നിങ്ങള്‍ ഞെട്ടും
ബാക്ടീരിയ, ഫംഗസ്, വൈറസ് തുടങ്ങിയവ മൂലമുണ്ടാകുന്ന രോഗങ്ങള്‍ക്കും ഭക്ഷ്യജന്യ രോഗങ്ങള്‍ക്കും ചക്കക്കുരു ഫലപ്രദമായ മരുന്നാണ്. അയണ്‍ കാല്‍സ്യം, ചെമ്ബ്, പൊട്ടാസ്യം, മഗ്നീഷ്യം തുടങ്ങിയ ശരീരത്തിന് ആവശ്യമായ ഒട്ടുമിക്ക ധാതുക്കളും ചക്കക്കുരുവില്‍ അടങ്ങിയിട്ടുണ്ട്. ചര്‍മരോഗ്യത്തിന് ചക്കക്കുരു മികച്ച ഒന്നാണ്.പൊട്ടാസ്യം ധാരാളം അടങ്ങിയതാണ് ചക്കക്കുരു. ഇത് ഉയര്‍ന്ന രക്തസമ്മര്‍ദ്ദത്തെ നിയന്ത്രിക്കാനും ഹൃദയാരോഗ്യം സംരക്ഷിക്കാനും സഹായിക്കും.
ചക്കക്കുരുവില്‍ പ്രോട്ടീനും അടങ്ങിയിട്ടുണ്ട്. അതിനാല്‍ ശരീരത്തിന് ആവശ്യമായ പ്രോട്ടീന്‍ നേടാന്‍ ധൈര്യമായി ചക്കക്കുരു കഴിക്കാം. കലോറി കുറവായതിനാലും നാരുകള്‍ അടങ്ങിയിരിക്കുന്നതിനാലും വണ്ണം കുറയ്ക്കാന്‍ ആഗ്രഹിക്കുന്നവര്‍ക്കും ചക്കക്കുരു ധൈര്യമായി കഴിക്കാം.
Whatsapp Group 1 | Whatsapp Group 2 |Telegram Group
കൊഴുപ്പടിയുമെന്ന ഭയവും വേണ്ട. ഏത് ഭക്ഷണമാണെങ്കിലും അമിതമായ അളവില്‍ കഴിക്കുന്നത് നല്ലതല്ല എന്ന് മാത്രം ഓര്‍ക്കുക.ചക്കക്കുരുവില്‍ ഫൈബര്‍ ധാരാളം അടങ്ങിയിട്ടുണ്ട്. അതിനാല്‍ ഇവ ദഹനം മെച്ചപ്പെടുത്താനും വയറിന്‍റെ ആരോഗ്യം സംരക്ഷിക്കാനും സഹായിക്കും.
