സ്വന്തം ലേഖകൻ
തിരുവനന്തപുരം: സംസ്ഥാനത്ത്ഒട്ടാകെ അതിശക്തമായ മഴ തുടരുന്ന സാഹചര്യത്തില് ആരോഗ്യ വകുപ്പ് മുന്നറിയിപ്പ് നിര്ദേശം നല്കിയെന്ന് മന്ത്രി വീണാ ജോര്ജ്. പകര്ച്ച പനികള് വ്യാപിക്കുന്ന സാഹചര്യത്തില് പ്രത്യേകം ശ്രദ്ധിക്കണം. ആശുപത്രികള്ക്കും മുന്നറിയിപ്പ് നിര്ദേശം നല്കി. വെള്ളം കയറുന്ന ആരോഗ്യ സ്ഥാപനങ്ങള് ആവശ്യമായ ബദല് ക്രമീകരണം ഒരുക്കേണ്ടതാണ്.
മരുന്നുകളുടെ ലഭ്യത ഉറപ്പാക്കാന് നിര്ദേശം നല്കിയിട്ടുണ്ട്. ആലപ്പുഴ കുട്ടനാട് അടിയന്തിര സാഹചര്യം നേരിടുന്നതിന് വെള്ളത്തില് സഞ്ചരിക്കുന്ന മൂന്ന് മൊബൈല് ഫ്ളോട്ടിങ് ഡിസ്പെന്സറികള്, വാട്ടര് ആംബുലന്സ് എന്നിവ സജ്ജമാക്കിയിട്ടുള്ളതായും മന്ത്രി കൂട്ടിച്ചേർത്തു.
Whatsapp Group 1 | Whatsapp Group 2 |Telegram Group
മഴ തുടരുന്നതിനാല് ഡെങ്കിപ്പനിയും എലിപ്പനിയും ഉണ്ടാകാൻ സാധ്യതയുണ്ട്. കൊതുകുകടി ഏല്ക്കാതിരിക്കാന് ശ്രദ്ധിക്കേണ്ടതാണ്. കൊതുകിന്റെ ഉറവിടങ്ങള് നശീകരിക്കണം. എലിപ്പനിയെ പ്രതിരോധിക്കേണ്ടത് പ്രധാനമാണ്.
ചെളിയിലോ മലിന ജലത്തിലോ കെട്ടിക്കിടക്കുന്ന മഴവെള്ളത്തിലോ ഇറങ്ങിയാല് എലിപ്പനി പ്രതിരോധ ഗുളികയായ ഡോക്സിസൈക്ലിന് നിര്ബന്ധമായും കഴിക്കേണ്ടതാണ്.
