ശക്തമായ മഴ; അപ്പര്‍ കുട്ടനാട് വെള്ളത്തില്‍; നിരവധി വീടുകളില്‍ വെള്ളം കയറി; കനത്ത ജാഗ്രതാ നിർദ്ദേശം

സ്വന്തം ലേഖിക

കുട്ടനാട്: കനത്ത മഴയില്‍ അപ്പര്‍ കുട്ടനാട്ടില്‍ വെള്ളം കയറിത്തുടങ്ങി.

പമ്പാ, മണിമല അച്ചൻകോവില്‍ ആറുകളുടെ ജലനിരപ്പ് ക്രമാതീതമായി ഉയര്‍ന്നതിനാല്‍ തലവടി പഞ്ചായത്തിലെ താഴ്ന്ന പ്രദേശങ്ങളിലെ നിരവധി വീടുകളില്‍ വെള്ളം കയറി. കൂടാതെ തലവടി പഞ്ചായത്തിലെ നീരേറ്റുപുറം കുന്നംമാടി കുതിരച്ചാല്‍ , മൂരിക്കോലുമുണ്ട്,പ്രിയദര്‍ശിനി,വേദവ്യാസ സ്കൂള്‍, മണലേല്‍ , കോടമ്ബനാടി,പൂന്തുരുത്തി എന്നീ പ്രദേശങ്ങളിലും വെള്ളം കയറി.

ഇന്നും കനത്ത മഴ തുടരുമെന്നാണ് വിലയിരുത്തല്‍. 12 ജില്ലകളില്‍ ഓറ‌ഞ്ച് അലര്‍ട്ട് പ്രഖ്യാപിച്ചു.

കൊല്ലത്ത് യെല്ലോ അലര്‍ട്ടാണ്. തിരുവനന്തപുരത്ത് പ്രത്യേക മഴ മുന്നറിയിപ്പില്ല.

പമ്പ, മണിമലയാര്‍, മീനച്ചിലാര്‍ എന്നിവിടങ്ങളില്‍ ജലനിരപ്പ് ഉയര്‍ന്നിരുന്നു. കൊച്ചിയിലും കോഴിക്കോടും പൊന്നാനിയിലും കടലാക്രമണം രൂക്ഷമാണ്.