കേരളത്തിന്റെ പരിതസ്ഥിതിക്ക് അനുയോജ്യമല്ലാത്ത, എൻജിൻ കപ്പാസിറ്റി കൂടിയ ബൈക്കുകൾ നിയന്ത്രിക്കണം; ട്രാൻസ്പോര്‍ട്ട് കമ്മിഷണർക്ക് നിര്‍ദേശം നല്‍കി മനുഷ്യാവകാശ കമ്മിഷൻ

സ്വന്തം ലേഖിക

തിരുവനന്തപുരം: കേരളത്തിന്റെ പരിതസ്ഥിതിക്ക് അനുയോജ്യമല്ലാത്ത, എൻജിൻ കപ്പാസിറ്റി കൂടിയ ബൈക്കുകളുടെ ഉപയോഗത്തിന് നിയന്ത്രണം ഏര്‍പ്പെടുത്തണമെന്ന് മനുഷ്യാവകാശ കമ്മിഷൻ.

ട്രാൻസ്പോര്‍ട്ട് കമ്മിഷണര്‍ക്കാണ് മനുഷ്യാവകാശ കമ്മിഷൻ അധ്യക്ഷൻ ജസ്റ്റിസ് ആന്റണി ഡൊമിനിക് നിര്‍ദേശം നല്‍കിയത്.

ഇക്കാര്യത്തില്‍ അനന്തരനടപടികള്‍ സ്വീകരിക്കുമെന്ന് ട്രാൻസ്പോര്‍ട്ട് കമ്മിഷണര്‍, മനുഷ്യാവകാശ കമ്മിഷനെ അറിയിച്ചു.

കഴിഞ്ഞ ജനുവരി 30-ന് തിരുവല്ലം ബൈപ്പാസില്‍ അമിതവേഗത്തിലെത്തിയ ബൈക്ക് ഇടിച്ച്‌ യാത്രക്കാരനും വഴിയാത്രക്കാരിയും മരിച്ച സംഭവത്തില്‍ കമ്മിഷൻ സ്വമേധയാ എടുത്ത കേസിലാണ് അധ്യക്ഷൻ ജസ്റ്റിസ് ആന്റണി ഡൊമിനികിന്റെ നടപടി.