കോട്ടയം: വണ്ണം കുറയ്ക്കാൻ ആഗ്രഹിക്കുന്നവരാണോ നിങ്ങള്‍? എന്നും ഡയറ്റില്‍ ഒരേ ഫുഡ് കഴിച്ച്‌ മടുത്തോ എന്നാല്‍. സ്വാദിഷ്ടമായ ഒരു പ്രോട്ടീൻ റിച്ച്‌ സലാഡ് തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകള്‍
കടല – 1/2 കപ്പ്‌
സവാള – 1 എണ്ണം
തക്കാളി – 1 എണ്ണം
മുട്ട – 1 എണ്ണം
കക്കിരി – 1/4 കപ്പ്‌
ബദാം – 4 എണ്ണം
ക്യാരറ്റ് – 1 എണ്ണം
കുരുമുളക് പൊടി – 1 ടീസ്പൂണ്‍
ചെറുനാരങ്ങാ നീര് – 1 ടീസ്പൂണ്‍
ഉപ്പ് – ആവിശ്യത്തിന്
മല്ലി ഇല – ആവിശ്യത്തിന്
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
ഒരു പാനില്‍ മുട്ട പൊട്ടിച്ചൊഴിച്ചു ചിക്കി മാറ്റി വയ്ക്കുക. പിന്നീട് ഒരു ബൗളില്‍ ചിക്കിയ മുട്ടയും ഉപ്പിട്ട് വേവിച്ച കടലയും ചേർത്ത് നല്ലതു പോലെ യോജിപ്പിക്കുക. ഇതിലേക്ക് ചെറുതായി അരിഞ്ഞ ക്യാരറ്റ്, സവാള, തക്കാളി, കക്കിരി, മല്ലിയില ചേർക്കുക. ശേഷം ഉപ്പും കുരുമുളക് പൊടിയും നാരങ്ങാ നീരും, നുറുക്കിയ ബദാം കഷ്ണങ്ങളും ചേർക്കുക. പ്രോട്ടീൻ റിച്ച്‌ സാലഡ് തയ്യാർ.
