മുടി വേഗത്തിൽ വളരണോ? എങ്കിൽ ആവണക്കെണ്ണ ഈ രീതിയിൽ ഉപയോഗിക്കൂ
മുടിയുടെ ആരോഗ്യത്തിന് പണ്ട് മുതല്‍ക്കേ ഉപയോഗിച്ച്‌ വരുന്ന എണ്ണയാണ് ആവണക്കെണ്ണ. ആൻ്റിഓക്‌സിഡൻ്റുകളും ഫാറ്റി ആസിഡുകളും അടങ്ങിയ ആവണക്കെണ്ണ മുടിവളർച്ച വേഗത്തിലാക്കുന്നു.
ആവണക്കെണ്ണ ഉപയോഗിക്കുന്നത് ഓക്സിഡേറ്റീവ് സമ്മർദ്ദം കുറയ്ക്കുകയും മുടി കൊഴിച്ചില്‍ തടയുകയും ചെയ്യുന്നു. ആവണക്കെണ്ണയിലെ ഒമേഗ – 6 ഫാറ്റി ആസിഡുകള്‍ മുടിപൊട്ടുന്നതും തടയുന്നു.
ആവണക്കെണ്ണ തലയോട്ടിയിലേക്കുള്ള രക്തയോട്ടം വർദ്ധിപ്പിക്കുകയും അങ്ങനെ ആരോഗ്യമുള്ള മുടിയെ പ്രോത്സാഹിപ്പിക്കുകയും ചെയ്യുന്നു. മാസത്തിലൊരിക്കല്‍ ആവണക്കെണ്ണ പുരട്ടുന്നത് മുടിയുടെ വളർച്ച മെച്ചപ്പെടുത്തുന്നു. ആന്റി ബാക്ടീരിയല്‍, ആൻ്റിഫംഗല്‍ ഗുണങ്ങളുള്ള ആവണക്കെണ്ണ പുരികങ്ങളിലും കണ്‍പീലികളിലും പുരട്ടുന്നത് മുടി വളരാൻ സഹായിക്കും. നല്ല മുടി വളർച്ചയ്ക്ക് ആഴ്ചയില്‍ ഒരിക്കല്‍ ആവണക്കെണ്ണ ഉപയോഗിക്കുക.
Whatsapp Group 1 | Whatsapp Group 2 |Telegram Group
ഒലീവ് ഓയിലിനൊപ്പം ഒരു ടേബിള്‍ സ്പൂണ്‍ ആവണക്കെണ്ണയും അല്‍പം നാരങ്ങയുടെ നീരും യോജിപ്പിച്ച്‌ തലയില്‍ പുരട്ടുക. അരമണിക്കൂറിന് ശേഷം കഴുകി കളയുക. ഇതും മുടി വളർച്ച വേഗത്തിലാക്കും. ആവണക്കെണ്ണയും ബദാം ഓയിലും തുല്യ അളവിലെടുത്ത് തലയില്‍ പുരട്ടുന്നത് അകാലനര മാറാനും തലമുടി നല്ല കരുത്തോടെ വളരാനും സഹായിക്കും. ബദാം ഓയിലിന് പകരം വെളിച്ചെണ്ണയും ഉപയോഗിക്കാം.
പുരികം വളരാനായി ഒരു കോട്ടണ്‍ തുണി ആവണക്കെണ്ണയില്‍ മുക്കിയതിന് ശേഷം രണ്ട് പുരികത്തിലും നന്നായി തേച്ചു പിടിപ്പിക്കുക. അഞ്ച് മിനുട്ട് നേരം മസാജ് ചെയ്യുക. 30 മിനിറ്റിന് ശേഷം ചെറു ചൂടുവെള്ളത്തില്‍ കഴുകുക. ഇത് പുരികം വേഗത്തില്‍ വളരാൻ സഹായിക്കും.
