മുഖത്ത് വീക്കം ഉണ്ടാകുന്നതിന് പല കാരണങ്ങള് കാണും. എന്നാല് മുണ്ടിനീര് മൂലവും മുഖത്ത് വീക്കം ഉണ്ടാകാം. മുണ്ടിനീര് പ്രധാനമായും ഉമിനീര് ഗ്രന്ഥികളെ ബാധിക്കുന്ന ഒരു പകര്ച്ചവ്യാധി വൈറല് അണുബാധയാണ്.
ഇത് പാരാമിക്സോവൈറസ് മൂലമാണ് ഉണ്ടാകുന്നത്. വൈറസ് സാധാരണഗതിയില് പകരുന്നത് ശ്വസന തുള്ളികളിലൂടെയോ അല്ലെങ്കില് രോഗബാധിതമായ ഉമിനീരുമായുള്ള നേരിട്ടുള്ള സമ്പർക്കത്തിലൂടെ ആണ്. ഈ അണുബാധ ശ്വാസനാളത്തിലൂടെ ശരീരത്തില് പ്രവേശിക്കുകയും പിന്നീട് രക്തപ്രവാഹത്തിലൂടെ വ്യാപിക്കുകയും ചെയ്യുന്നു. ഉമിനീര് ഉല്പ്പാദിപ്പിക്കുന്നതിന് ഉത്തരവാദികളായ പരോട്ടിഡ് ഗ്രന്ഥികളെ വൈറസ് ലക്ഷ്യമിടുന്നു, ഇത് വീക്കത്തിലേക്ക് നയിക്കുന്നു. കുട്ടികളിലും മുതിര്ന്നവരിലും ഒരുപോലെ മുണ്ടിനീര് ഉണ്ടാകാം.
മുണ്ടിനീരിന്റെ പ്രധാനപ്പെട്ട ലക്ഷണങ്ങള് എന്തൊക്കെയാണെന്ന് നോക്കാം. മുഖത്തെ വീക്കം തന്നെയാണ് മുണ്ടിനീരിന്റെ ഒരു പ്രധാന ലക്ഷണം. ചെവിയുടെ താഴെ കവിളിന്റെ വശങ്ങളിലാണ് വീക്കം പൊതുവേ കാണപ്പെടുന്നത്. അതുപോലെ കഴുത്തിന് പിന്നീലെ വീക്കം, പനി, തലവേദന, പേശി വേദന, ക്ഷീണം, ഭക്ഷണം വിഴുങ്ങാൻ ബുദ്ധിമുട്ട്, വായ തുറക്കാനും വെള്ളം കുടിക്കാനുമൊക്കെ ബുദ്ധിമുട്ട് തുടങ്ങിയവയും ഉണ്ടാകാം. ഇത്തരം ലക്ഷണങ്ങള് ശ്രദ്ധയില്പ്പെട്ടാല് ഉറപ്പായും ഡോക്ടറെ കാണുക. കൃത്യമായുള്ള രോഗ നിര്ണയം രോഗം അണുബാധ പടരാതിരിക്കാന് ഗുണം ചെയ്യും. രോഗത്തെ പ്രതിരോധിക്കാന് വാക്സിനേഷനുകളും ലഭ്യമാണ്.
Whatsapp Group 1 | Whatsapp Group 2 |Telegram Group