സന്ധി വേദനയാല്‍ ബുദ്ധിമുട്ടുകയാണോ നിങ്ങൾ ? എങ്കിൽ ഭക്ഷണത്തില്‍ ഇക്കാര്യങ്ങള്‍ ഉള്‍പ്പെടുത്തി നോക്കൂ..!!
സ്വന്തം ലേഖകൻ
ഇന്നത്തെക്കാലത്ത് ഒട്ടുമിക്കയാളുകളെയും അലട്ടുന്ന പ്രധാന പ്രശ്‌നമാണ് സന്ധിവേദന. കൈകള്‍, ഇടുപ്പ്, നട്ടെല്ല്, കാല്‍മുട്ടുകള്‍, കാലുകള്‍ എന്നിവിടങ്ങളിലെല്ലാം വേദന അനുഭവപ്പെടാം. ഇതിലൂടെ നിത്യ ജീവിതത്തില്‍ പല ജോലികളും ചെയ്യാന്‍ നാം ബുദ്ധിമുട്ടും. സന്ധികള്‍ക്ക് ചുറ്റുമുള്ള ക്ഷതം, സന്ധിവാതം, മറ്റ് രോഗങ്ങള്‍ എന്നിവയെല്ലാം ഈ വേദനകള്‍ക്ക് കാരണമാകാം. സന്ധിവേദനയില്‍ നിന്നും ആശ്വാസം നല്‍കാന്‍ കഴിയുന്ന ചില ഭക്ഷണപദാര്‍ത്ഥങ്ങള്‍ അറിയാം.
സീഡ്‌സ് ആന്റ് നട്ട്‌സ്- ബദാം, ഹസല്‍നട്ട്, നിലക്കടല, വാല്‍നട്ട് എന്നിവ ഒമേഗ 3 ഫാറ്റി ആസിഡുകളാല്‍ സമ്പുഷ്ടമാണ്. അവയ്ക്ക് ആന്റി ഇന്‍ഫ്‌ലമേറ്ററി ഗുണങ്ങളുണ്ട്. നാരുകള്‍, കാല്‍സ്യം, മഗ്‌നീഷ്യം, സിങ്ക്, വിറ്റാമിന്‍ ഇ എന്നിവയും ഇവയില്‍ അടങ്ങിയിട്ടുണ്ട്. ഇത് പോളിഅണ്‍സാച്ചുറേറ്റഡ്, മോണോസാച്ചുറേറ്റഡ് കൊഴുപ്പുകളുടെ നല്ല ഉറവിടമാണ്. ഇവ സന്ധികളുടെ ആരോഗ്യത്തിനും ഹൃദയത്തിന്റെ ആരോഗ്യത്തിനും നല്ലതാണ്.
Whatsapp Group 1 | Whatsapp Group 2 |Telegram Group
ബെറികള്‍- ബ്ലൂബെറി, ബ്ലാക്ക്ബെറി, സ്‌ട്രോബെറി തുടങ്ങി എല്ലാത്തരം ഫലങ്ങളിലും ആന്റിഓക്സിഡന്റുകള്‍ ധാരാളമായി കാണപ്പെടുന്നു. ഇവ കഴിക്കുന്നത് സന്ധി വേദനയ്ക്ക് ആശ്വാസം നല്‍കുമെന്ന് പല പഠനങ്ങളിലും വെളിപ്പെട്ടിട്ടുണ്ട്. ഇവയില്‍ അടങ്ങിയിരിക്കുന്ന ആന്റിഓക്സിഡന്റുകള്‍ ശരീരത്തില്‍ വീക്കമുണ്ടാകുന്നതില്‍ നിന്നും സംരക്ഷിക്കുന്നു
പച്ചക്കറികള്‍- ബ്രോക്കോളി, കോളിഫ്ളവര്‍ തുടങ്ങിയ പച്ചക്കറികളില്‍ സള്‍ഫോറാഫേന്‍ എന്ന സംയുക്തം കാണപ്പെടുന്നു. ഇത് സന്ധിവാതം മൂലമുണ്ടാകുന്ന വീക്കം കുറയ്ക്കാന്‍ സഹായിക്കുന്നു. സീസണല്‍ പച്ചക്കറികള്‍ കഴിക്കാവുന്നതാണ്. കഴിക്കാനെടുക്കും മുമ്പ്‌ പച്ചക്കറികള്‍ നന്നായി കഴുകേണ്ടത് അനിവാര്യമാണ്.
ഒലിവ് ഓയില്‍- ഒലീവ് ഓയില്‍ ആരോഗ്യത്തിന് മാത്രമല്ല, സന്ധികള്‍ക്കും വളരെ ഗുണം ചെയ്യും.സന്ധി വേദനയില്‍ നിന്ന് ആശ്വാസം ലഭിക്കാന്‍ ഭക്ഷണത്തില്‍ ഒലിവ് ഓയില്‍ ഉള്‍പ്പെടുത്താവുന്നതാണ്.
ഡാര്‍ക്ക് ചോക്ലേറ്റ് -ഡാര്‍ക്ക് ചോക്ലേറ്റ് ആരോഗ്യകരമായ ഒരു ഭക്ഷണമാണ്. ഇത് കഴിക്കുന്നതിന് ധാരാളം ഗുണങ്ങളുണ്ട്. അതിലൊന്നാണ് ഇതിന്റെ ആന്റി-ഇന്‍ഫ്‌ലമേറ്ററി ഗുണങ്ങള്‍. ഡാര്‍ക്ക് ചോക്ലേറ്റില്‍ അടങ്ങിയിരിക്കുന്ന ആന്റി-ഇന്‍ഫ്‌ലമേറ്ററി ഗുണങ്ങള്‍ ശരീരവീക്കത്തിന്റെ ദോഷകരമായ ഫലങ്ങളില്‍ നിന്ന് സംരക്ഷിക്കാന്‍ സഹായിക്കുന്നു. സന്ധി വേദനയെ മറികടക്കാന്‍ ചുവന്ന കാപ്‌സിക്കം, സാല്‍മണ്‍ മത്സ്യം, ഓട്‌സ്, മഞ്ഞള്‍, വെളുത്തുള്ളി, ഇഞ്ചി, ചീര, മുന്തിരി എന്നിവയും കഴിക്കാവുന്നതാണ്.
