കുടുംബവഴക്കിനിടെയുണ്ടായ സംഘര്‍ഷത്തില്‍ ഗൃഹനാഥന്‍ കൊല്ലപ്പെട്ടു ;ജന്മദിനാഘോഷവുമായി ബന്ധപ്പെട്ട വിഷയമാണ് തര്‍ക്കത്തില്‍ കലാശിച്ചത്

തിരുവനന്തപുരം : കുടുംബ വഴക്കിനിടെയുണ്ടായ സംഘര്‍ഷത്തില്‍ ഗൃഹനാഥന്‍ കൊല്ലപ്പെട്ടു.വാമനപുരം അമ്പലമുക്ക് സ്വദേശി സുധാകരന്‍ (55) ആണ് മരിച്ചത്. സംഭവത്തെത്തുടര്‍ന്ന് സുധാകരന്റെ മൂന്ന് മക്കളെ വെഞ്ഞാറമൂട് പൊലീസ് കസ്റ്റഡിയില്‍ എടുത്തു.

ഇന്നലെ രാത്രി 10 മണിയോടെയായിരുന്നു സംഘര്‍ഷം. അമ്മയുടെ ജന്മദിനാഘോഷവുമായി ബന്ധപ്പെട്ട വിഷയമാണ് തര്‍ക്കത്തില്‍ കലാശിച്ചത്.

വിശദമായ അന്വേഷണത്തിന് ശേഷമേ കാര്യങ്ങള്‍ വ്യക്തമാകൂവെന്ന് പൊലീസ് അറിയിച്ചു.