സ്വന്തം ലേഖകന്
തൃശൂര്: സെക്യൂരിറ്റി ജീവനക്കാരനായ ചന്ദ്രബോസിനെ വണ്ടിയിടിച്ച് കൊലപ്പെടുത്തിയ കേസില് പ്രതി മുഹമ്മദ് നിഷാമിന്റെ ജീവപര്യന്തം ശിക്ഷ ശരിവച്ച് ഹൈക്കോടതി. ശിക്ഷ റദ്ദാക്കണമെന്നാവശ്യപ്പെട്ട് പ്രതിയായ വ്യവസായി മുഹമ്മദ് നിഷാം നല്കിയ അപ്പീല് ഹര്ജി ഹൈക്കോടതി തള്ളി. തൃശ്ശൂര് അഡീഷണല് സെഷന്സ് കോടതിയുടെ ശിക്ഷാ വിധി ചോദ്യം ചെയ്ത് മുഹമ്മദ് നിഷാം നല്കിയ അപ്പീലാണ് ഹൈക്കോടതി തള്ളിയത്.
അതേസമയം അപൂര്വ്വങ്ങളില് അപൂര്വ്വമായ കൊലപാതകമാണ് നിഷാം നടത്തിയതെന്നും ജീവപര്യന്തം തടവിന് പകരം പ്രതിക്ക് വധശിക്ഷ നല്കണമെന്ന സര്ക്കാരിന്റെ ആവശ്യവും ഹൈക്കോടതി തള്ളി. വിചാരണ കോടതി വിധിയില് ഇടപെടാന് കാരണങ്ങളില്ലെന്ന് ചൂണ്ടിക്കാട്ടിയാണ് സര്ക്കാരിന്റെ ഹര്ജി ഹൈക്കോടതി തള്ളിയത്.
Whatsapp Group 1 | Whatsapp Group 2 |Telegram Group
ഹൈക്കോടതി സിംഗിള് ബെഞ്ചാണ് ഹര്ജി തള്ളിയത്. ജീവപര്യന്തവും ഇതിന് പുറമേ വിവിധ വകുപ്പുകള് പ്രകാരം 24 വര്ഷം തടവുമാണ് നിഷാമിന് വിധിച്ചിരുന്നത്. തൃശ്ശൂര് അഡീഷണല് സെഷന്സ് കോടതിയുടേത് ആയിരുന്നു വിധി. എന്നാല് ദീര്ഘകാലമായി ജയിലില് കഴിയുകയാണെന്നും അതിനാല് ജാമ്യം നല്കണമെന്നും ആവശ്യപ്പെട്ട് നിഷാം കോടതിയെ സമീപിക്കുകയായിരുന്നു. ഇന്നാല് ഇതെല്ലാം തള്ളിക്കൊണ്ടായിരുന്നു കോടതിയുടെ വിധി. 2016 ജനുവരി മുതലാണ് നിഷാം ശിക്ഷ അനുഭവിക്കുന്നത്.
ചന്ദ്രബോസിനെ കൊല്ലാന് നിഷാം ഉപയോഗിച്ച ആഡംബര കാറായ ഹമ്മള് വിട്ടു തരണമെന്ന് ആവശ്യപ്പെട്ട് വാഹനത്തിന്റെ ഉടമ നല്കിയ ഹര്ജിയും ഹൈക്കോടതി തള്ളിയിട്ടുണ്ട്.വിചാരണ കോടതി വിധിയില് ഇടപെടാന് കാരണങ്ങളില്ലെന്ന് ഹൈക്കോടതി വിധിയില് സന്തോഷമുണ്ടെന്ന് ചന്ദ്രബോസിന്റെ ജമന്തി പ്രതികരിച്ചു.
