സ്വന്തം ലേഖിക
തിരുവനന്തപുരം: വിദ്യാര്‍ത്ഥിനിക്ക് വാട്ട്സ്‌ആപ്പിലൂടെ അശ്ലീല സന്ദേശമയച്ച പ്ലസ്ടു അധ്യാപകന്‍ പിടിയില്‍.
വെമ്പായം നെടുവേലി ഇടുക്കുംതല എസ്.എല്‍. ഭവനില്‍ ജയകുമാറിനെയാണ് മെഡിക്കല്‍ കോളജ് പൊലീസ് അറസ്റ്റ് ചെയ്തത്. വിദ്യാര്‍ത്ഥിനിയ്ക്ക് ഇയാള്‍ നിരന്തരം അശ്ലീല സന്ദേശമയച്ച്‌ ശല്യപ്പെടുത്തുകയായിരുന്നെന്നാണ് സംഭവത്തില്‍ പോലീസ് പറയുന്നത്.
Whatsapp Group 1 | Whatsapp Group 2 |Telegram Group
ഇക്കാര്യം വിദ്യാര്‍ത്ഥിനി സ്‌കൂള്‍ അധികൃതരുടെ ശ്രദ്ധയില്‍പ്പെടുത്തിയതോടെ അവര്‍ പൊലീസ് സ്റ്റേഷനില്‍ പരാതി നല്‍കുകയുമായിരുന്നു. വര്‍ക്കലയിലുള്ള ഭാര്യവീട്ടില്‍ നിന്നാണ് പ്രതി പിടിയിലായത്.
പൊലീസ് കേസെടുത്തതോടെ ജയകുമാര്‍ മൊബൈല്‍ ഫോണ്‍ സ്വിച്ച്‌ ഓഫ് ചെയ്ത് മുങ്ങിയിരുന്നു. തുടര്‍ന്ന് ഭാര്യ വീട്ടില്‍ നടത്തിയ അന്വേഷണത്തിലാണ് ഇയാളെ കണ്ടെത്തിയത്.
പ്രതിക്കെതിരെ നേരത്തെയും സമാന ആരോപണങ്ങള്‍ ഉയര്‍ന്നിട്ടുണ്ട്. അധ്യാപികയുടെ പരാതിയില്‍ ഇയാള്‍ക്കെതിരെ ഹയര്‍ സെക്കന്‍ഡറി ഡയറക്ടറേറ്റിന്റെ അന്വേഷണം നടക്കുന്നുണ്ടെന്നും മറ്റ് അദ്ധ്യാപകര്‍ പറയുന്നു.
