ഹജ്ജിനിടെ അസുഖബാധിതനായ മലയാളി തീര്‍ഥാടകൻ മരിച്ചു; മരിച്ചത് പത്തനംതിട്ട സ്വദേശി

മക്ക: ഹജ്ജിനിടെ അസുഖബാധിതനായ മലയാളി തീർഥാടകൻ മരിച്ചു.

പത്തനംതിട്ട സ്വദേശി സലീം റാവുത്തർ (72) ആണ് മരിച്ചത്.

ഭാര്യയോടൊപ്പം സംസ്ഥാന ഹജ്ജ് കമ്മിറ്റിയുടെ കീഴില്‍ ഹജ്ജ് നിർവഹിക്കാൻ എത്തിയതായിരുന്നു. ഹജ്ജ് കർമ്മങ്ങള്‍ക്കിടെയാണ് അസുഖബാധിതനായത്.

മക്കയിലെ അല്‍ നൂർ ആശുപത്രിയിലെ തീവ്രപരിചരണ വിഭാഗത്തില്‍ രണ്ടാഴ്ചയായി ചികിത്സയില്‍ കഴിയുകയായിരുന്നു. കടുത്ത ന്യൂമോണിയയെ തുടർന്നായിരുന്നു മരണം. നടപടികള്‍ പൂർത്തിയാക്കി മക്കയില്‍ ഖബറടക്കം നടത്തും.