തൃശൂർ: ഗുരുവായൂർ ക്ഷേത്രത്തില് ഭഗവാന് വഴിപാടായി സ്വർണ്ണക്കിരീടം സമർപ്പിച്ചു.
തൃശൂരിലെ പ്രമുഖ ജ്വല്ലറി മാനുഫാക്ചറിങ്ങ് സ്ഥാപനമായ ‘അജയ് ആൻഡ് കമ്പനി’ ഉടമ അജയകുമാർ സി.എസിന്റെ ഭാര്യ സിനി അജയകുമാറാണ് അതിമനോഹരമായി നിർമ്മിച്ച ഈ കിരീടം നല്കിയത്.
കല്ലുകള് ഉള്പ്പെടെ ആകെ 174 ഗ്രാം (ഏകദേശം 21.75 പവൻ തൂക്കമാണുള്ളത്. വിശേഷാല് ദിവസങ്ങളില് വിഗ്രഹത്തില് ചാർത്താൻ പാകത്തിലാണ് ഇതിന്റെ നിർമ്മാണം.
Whatsapp Group 1 | Whatsapp Group 2 |Telegram Group
ഇന്ന് ഉച്ചയ്ക്ക് ക്ഷേത്രനട തുറന്ന സമയത്ത് കൊടിമരച്ചുവട്ടില് വെച്ചായിരുന്നു സമർപ്പണം. ദേവസ്വം അഡ്മിനിസ്ട്രേറ്റർ ഒ.ബി. അരുണ്കുമാർ കിരീടം ഏറ്റുവാങ്ങി.
ചടങ്ങില് ഡെപ്യൂട്ടി അഡ്മിനിസ്ട്രേറ്റർ പ്രമോദ് കളരിക്കല്, സി.എസ്.ഒ. മോഹൻകുമാർ എന്നിവരും അജയകുമാറിന്റെ കുടുംബാംഗങ്ങളും സന്നിഹിതരായിരുന്നു. വഴിപാട് സമർപ്പിച്ച ഭക്തർക്ക് ക്ഷേത്രത്തില് നിന്നും തിരുമുടി മാലയും കളഭവും അടക്കമുള്ള പ്രസാദങ്ങള് നല്കി ആദരിച്ചു.
