തൃശ്ശൂർ: ഗുരുവായൂർ ക്ഷേത്രത്തില് ദർശനം സുഗമമാക്കുന്നതിനായി ഫെയ്സ് ആപ്പ് സംവിധാനം നടപ്പാക്കും. ക്ഷേത്രത്തിന്റെ സമീപത്ത് പന്ത്രണ്ട് ഇടങ്ങളില് ഫെയ്സ് ആപ്പ് സിസ്റ്റം സ്ഥാപിക്കും.
ഫെയ്സ് ആപ്പ് സംവിധാനത്തിന് മുന്നില് നിന്നാല് ഭക്തർക്ക് ടോക്കണ് ലഭ്യമാകും. ദർശനസമയം ടോക്കണിലുണ്ടാകും. ദർശന സമയം വരെ പ്രത്യേകം തയ്യാറാക്കിയ കമ്പാർട്ട്മെൻ്റുകളില് ഭക്തർക്ക് വിശ്രമിക്കാം.
ഭക്തർക്ക് ലഭിക്കുന്ന ടോക്കണ് നമ്പറുകള് കംപാർട്ട്മെന്റുകളില് തെളിയും. ഈ സമയമാകുന്ന മുറയ്ക്ക് ടോക്കണ് നമ്പർ അനുസരിച്ച് കമ്പാർട്ട്മെന്റുകളില് നിന്നും ദർശനത്തിനുള്ള ക്യൂവിലേക്ക് ഭക്തർക്ക് പോകാൻ കഴിയും.
Whatsapp Group 1 | Whatsapp Group 2 |Telegram Group
ക്ഷേത്രത്തില് വിപുലമായ ക്യൂ കോംപ്ലക്സ് സംവിധാനം വരുന്നത് വരെയാണ് ഫെയ്സ് ആപ്പ് സംവിധാനം നിലനില്ക്കുക. എത്ര പേർ ക്ഷേത്രം സന്ദർശിച്ചുവെന്നതും ആളെ തിരിച്ചറിയാനും ഈ സംവിധാനത്തിലൂടെ കഴിയും.
