തൃശ്ശൂർ: ഗുരുവായൂർ ക്ഷേത്രത്തില്‍ ഒക്ടോബർ 16 വരെയുള്ള ഭണ്ഡാരം എണ്ണല്‍ പൂർത്തിയായപ്പോള്‍ ലഭിച്ചത് കോടികള്‍. സ്വര്‍ണവും വെള്ളിയും പണവുമായി ഈ മാസം പകുതി വരെ കോടികളുടെ നടവരവാണ് ഉണ്ടായത്. പണമായി ലഭിച്ചത് 5,92,22,035 രൂപയാണ്.
രണ്ട് കിലോയിലേറെ സ്വര്‍ണവും (2 കിലോ 580 ഗ്രാം 200 മില്ലിഗ്രാം) 9 കിലോഗ്രാമിലേറെ വെള്ളിയും ലഭിച്ചു. കേന്ദ്ര സര്‍ക്കാര്‍ പിന്‍വലിച്ച 2000 രൂപയുടെയും 1000 രൂപയുടെയും 5 വീതവും അഞ്ഞൂറിന്റെ 21ഉം കറന്‍സി ലഭിച്ചു. പഞ്ചാബ് നാഷണല്‍ ബാങ്ക് ഗുരുവായൂര്‍ ശാഖയ്ക്കായിരുന്നു എണ്ണല്‍ ചുമതല.
കിഴക്കേനട എസ്ബിഐ ഇ-ഭണ്ഡാരം വഴി 3, 02,313 രൂപയും കിഴക്കേ നട പഞ്ചാബ് നാഷണല്‍ ബാങ്ക് ഇ-ഭണ്ഡാരം വഴി 11,620 രൂപയും പടിഞ്ഞാറെ നടയിലെ യുബിഐ ഇ-ഭണ്ഡാരം വഴി 96,594 രൂപയും ഇന്ത്യന്‍ ബാങ്ക് ഇ-ഭണ്ഡാരം വഴി 24,216 രൂപയും ഐസിഐസിഐ ഇ-ഭണ്ഡാരം വഴി 50,666 രൂപയും ധനലക്ഷ്മി ബാങ്ക് ഇ-ഭണ്ഡാരം വഴി 1,50,464 രൂപയും ലഭിച്ചു.
Whatsapp Group 1 | Whatsapp Group 2 |Telegram Group