സ്വർണ ഇറക്കുമതിയിൽ 80 ശതമാനം ഇടിവ് രേഖപ്പെടുത്തി

സ്വന്തം ലേഖകൻ

മുംബൈ: ഇന്ത്യയും ചൈനയും സ്വർണ ഇറക്കുമതിയിൽ 80 ശതമാനം ഇടിവ് രേഖപ്പെടുത്തി. രണ്ട് രാജ്യങ്ങളിലെയും സാമ്പത്തിക തളർച്ച ആയിരിക്കാം ഇതിന് കാരണമെന്നാണ് വേൾഡ് ഗോൾഡ് കൗൺസിലിന്റെ റിപ്പോർട്ടിൽ സൂചിപ്പിക്കുന്നത്.

ചൈനയിലെ ഇറക്കുമതിയിൽ ഈ കാലയാളവിൽ 10 ശതമാനമാണ് കുറഞ്ഞത്. എന്നാൽ 2019 മൊത്തംവർഷം വിലയിരുത്തുകയാണെങ്കിൽ ഏഴുശതമാനമാണ് ഇടിവ് ഉണ്ടായത്. ഇറക്കുമതി 637.3 ടണ്ണായും കുറഞ്ഞു.

സാമ്പത്തിക തളർച്ച, പണപ്പെരുപ്പത്തിലെ വർധന, വ്യാപാര തർക്കം, ഉയർന്ന വില എന്നിവ സ്വർണത്തിൽ നിന്ന് അകറ്റിയതായാണ് റിപ്പോർട്ടുകൾ. വാർഷികാടിസ്ഥാനത്തിൽ കണക്കാക്കുമ്പോൾ 2019 കലണ്ടർവർഷത്തിൽ 17 ശതമാനമാണ് ഇന്ത്യയിൽ ഇറക്കുമതിയിൽ കുറവുണ്ടായത്.