തിരുവനന്തപുരത്ത് ഒൻപതാം ക്ലാസ്സിൽ പഠിക്കുന്ന 3 വിദ്യാർത്ഥിനികളെ കാണാനില്ല, അവസാനമായി കുട്ടികളെ കണ്ടത് സ്കൂൾ ബസിൽ, അന്വേഷണം ഊർജ്ജിതമാക്കി പോലീസ്

തിരുവനന്തപുരം : പട്ടം കേന്ദ്രീയ വിദ്യാലയത്തിൽ 9-ാം ക്ലാസ്സിൽ പഠിക്കുന്ന മൂന്ന് പെൺകുട്ടികളെ കാണാനില്ല. ഭാഗ്യശ്രീ, ആര്യ, അഭിരാമി എന്നീ 3 പെൺകുട്ടികളെയാണ് കാണാതായത്.

ചൊവ്വാഴ്ച 12.30ന്റെ ക്ലാസിൽ പങ്കെടുക്കാനായി സ്കൂൾ ബസിലെത്തിയ കുട്ടികൾ ക്ലാസിൽ കയറിയിട്ടില്ല. തുടർന്ന് സ്കൂൾ അധികൃതർ രക്ഷിതാക്കളെയും പോലീസിനെയും വിവരം അറിയിച്ചു.

സംഭവത്തിൽ മെഡിക്കൽ കോളജ് പോലീസ് അന്വേഷണം ആരംഭിച്ചു. പെൺക്കുട്ടികൾക്കായി നഗരത്തിൽ തിരച്ചിൽ തുടരുകയാണ്.